બોલિવૂડમાં ઘણાં વર્ષોથી ત્રણેય ખાનનો દબદબો રહ્યો છે, પરંતુ છેલ્લા કેટલાક વર્ષોથી ઘણા કલાકારો આ ત્રણેય માટે પડકાર આપી રહ્યાં છે. આ વર્ષે પણ આવું જ કંઈક જોવા મળ્યું. અક્ષય કુમાર અને આયુષ્માન ખુરાના જેવા સ્ટાર્સે આ વર્ષે બોલિવૂડમાં બેક ટુ બેક હિટ ફિલ્મો આપી છે અને આ વર્ષે સૌથી વધુ કમાણી કરનારા સ્ટાર્સ તરીકે ઉભરી આવ્યા છે.
બોલિવૂડમાં ખાનનો જાદુ થયો ઓછો, અક્ષય-આયુષ્માન છવાયા
અક્ષય અને આયુષ્માને આ વર્ષે બેક ટુ બેક હિટ ફિલ્મો આપી
આ વર્ષે આ બંને સ્ટાર્સે સૌથી વધુ કમાણી કરી
અક્ષય આ વર્ષે ચાર બેક ટુ બેક હિટ ફિલ્મો આપી શકે છે
અક્ષય કુમારની મિશન મંગલ, હાઉસફુલ 4 અને કેસરી જેવી ફિલ્મો આ વર્ષે રિલીઝ થઈ છે. આમાંથી મિશન મંગલ અને હાઉસફુલ જેવી ફિલ્મોએ 200 કરોડના ક્લબમાં પ્રવેશ કર્યો હતો. આ સિવાય કેસરી ફિલ્મ પણ સુપરહિટ સાબિત થઈ હતી. માનવામાં આવી રહ્યું છે કે 27 ડિસેમ્બરે રિલીઝ થવા જઈ રહેલી અક્ષયની ફિલ્મ ગુડ ન્યૂઝ પણ હિટ થઈ શકે છે. આવી સ્થિતિમાં અક્ષય આ વર્ષે ચાર બેક ટુ બેક હિટ ફિલ્મો આપી શકે છે, જ્યારે આમિર ખાન, સલમાન ખાન અને શાહરૂખ ખાની વાત કરીએ તો, આ બધા સ્ટાર્સ છેલ્લાં થોડા સમયથી સારો દેખાવ કરી શક્યા નથી. અક્ષય છેલ્લા કેટલાક સમયથી સતત સારું પ્રદર્શન કરી રહ્યો છે. આ જ કારણ છે કે તે એકમાત્ર ભારતીય સ્ટાર હતો જે એક વર્ષમાં 444 કરોડની કમાણી સાથે ફોર્બ્સની યાદીમાં નોંધણી કરવામાં સફળ રહ્યો હતો.
અક્ષય અને આયુષ્માને બેક ટુ બેક હિટ્સ આપી
આયુષ્માન ખુરાના કન્ટેન્ટ અને એન્ટરટેનમેન્ટના આધારે દર્શકોના દિલમાં પોતાનું સ્થાન બનાવી રહ્યો છે. તેની ફિલ્મ આર્ટિકલ 15, ડ્રીમ ગર્લ અને બાલાએ બોક્સઓફિસ પર સુપરહિટ સાબિત થઈ છે. આ સિવાય ગયા વર્ષે ડિસેમ્બરમાં આવેલી તેની ફિલ્મ અંધાધૂને પણ જબરદસ્ત કમાણી કરી હતી. જેથી આયુષ્માને આ વર્ષે 3 મોટી હિટ ફિલ્મો આપી છે. આયુષ્માન હવે અમિતાભ બચ્ચન સાથે ફિલ્મ ગુલાબો સીતાબોમાં કામ કરી રહ્યો છે અને ચાહકો પણ તેમની આ ફિલ્મને લઈને ખૂબ જ ઉત્સાહિત છે.