રામસેતુ અને થેન્ક ગોડ બોક્સ ઓફિસ પર કમાલ બતાવવામાં નિષ્ફળ પણ સાઉથની ફિલ્મ કાંતારા બોક્સ ઓફિસ પર ધમાલ મચાવી રહી છે. બુધવારે બોક્સ ઓફિસનો કેવો હાલ રહ્યો ચાલો જાણીએ..
રામસેતુ અને થેન્ક ગોડ બોક્સ ઓફિસ પર કમાલ બતાવવામાં નિષ્ફળ
ફિલ્મ 'કંતારા'ને દર્શકો તરફથી સારો પ્રતિસાદ મળી રહ્યો છે
ફિલ્મનું કુલ કલેક્શન 245.73 કરોડ રૂપિયા થઈ ગયું
બોક્સઓફિસ પર હાલ બૉલીવુડના એક્ટર અક્ષય કુમાર અને અજય દેવગણ વચ્ચે જબરદસ્ત ટક્કર જોવા મળી રહી છે અને 25 ઓકટોબરના દિવાળીના દિવસે રિલીઝ થયેલ ફિલ્મ રામસેતુ અને થેન્ક ગોડ બોક્સ ઓફિસ પર તેનો કમાલ બતાવવામાં નિષ્ફળ સાબિત થઈ છે પણ તેને સામે સાઉથની ફિલ્મ કાંતારા છેલ્લા પાંચ અઠવાડિયાથી બોક્સ ઓફિસ પર ધમાલ મચાવી રહી છે. બુધવારે બોક્સ ઓફિસનો કેવો હાલ રહ્યો ચાલો જાણીએ..
થેન્ક ગોડ
ઈન્દ્ર કુમારના નિર્દેશનમાં બનેલી 'થેન્ક ગોડ' એ તેની અપેક્ષા મુજબની કમાણી ન કરી, અજય દેવગણ અને સિદ્ધાર્થ મલ્હોત્રા અભિનીત આ ફિલ્મને રિલીઝ થયાને નવ દિવસ થઈ ગયા અને અત્યાર સુધી તેનું કલેક્શન માત્ર 33.66 કરોડ જ રહ્યું છે. નવમા દિવસની કમાણીની વાત કરીએ તો આઠમા દિવસની સરખામણીમાં તેમાં થોડો ઘટાડો જોવા મળ્યો છે જણાવી દઈએ કે લગભગ 75 કરોડના બજેટમાં બનેલી આ ફિલ્મે બુધવારે 1.25 કરોડનું કલેક્શન કર્યું છે અને તેની મંગળવારે કમાણી 1.56 કરોડ હતી.
રામ સેતુ
અક્ષય કુમારની આ વર્ષે સિનેમાઘરોમાં રિલીઝ થયેલી ચોથી ફિલ્મ રામ સેતુ છે. આ પહેલા રિલીઝ થયેલી એમની ફિલ્મોની હાલત બોક્સ ઓફિસ પર ખરાબ રહી હતી અને સાથે જ હવે રામ સેતુનો પણ ફ્લોપ થતી દેખાઈ રહી છે. આઠમા દિવસની સરખામણીએ નવમા દિવસે 'રામ સેતુ'ની કમાણીમાં ઘટાડો થયો છે. બુધવારે ફિલ્મે 2.20 કરોડ રૂપિયાની કમાણી કરી છે અને મંગળવારે તેનું કલેક્શન 2.85 કરોડ હતું. ફિલ્મની કુલ કમાણી 64.05 કરોડ રૂપિયા થઈ ગઈ છે.
#Kantara *#Hindi version*…
⭐️ Crosses *lifetime biz* of #KGF [Part 1; #Hindi]
⭐️ Week 3 will be higher than Week 1 and Week 2
⭐️ Will cross ₹ 50 cr mark in Week 3
THIS FILM IS TRULY UNSTOPPABLE…
Day-wise data in next tweet… pic.twitter.com/Qbp6pE9iWw
કાંતારા
રિષભ શેટ્ટી દ્વારા દિગ્દર્શિત અને લિખિત કન્નડ ફિલ્મ 'કંતારા'ને દર્શકો તરફથી સારો પ્રતિસાદ મળી રહ્યો છે . જણાવી દઈએ કે ફિલ્મની રિલીઝનું પાંચમું અઠવાડિયું ચાલી રહ્યું છે અને તે હજુ પણ બોક્સ ઓફિસ પર ધમાલ મચાવી રહી છે. બુધવારે 34મા દિવસે ફિલ્મની કમાણી મંગળવાર કરતા ઓછી હતી પણ એક અઠવાડિયા પહેલા રિલીઝ થયેલી 'રામ સેતુ' અને 'થેંક ગોડ' હજુ પણ તેની આસપાસ નથી. 33માં દિવસે 'કાંતારા'એ 3.75 કરોડ રૂપિયાની કમાણી કરી હતી અને ફિલ્મનું કુલ કલેક્શન 245.73 કરોડ રૂપિયા થઈ ગયું છે.