ગુરુગ્રામની જાણીતી કાસા ડાંઝા ક્લબમાં એક શરમજનક ઘટના બની છે. અહીં છોકરા સાથે આવેલી છોકરીની છેડતી ત્યાંના બાઉન્સરોએ કરી હતી.
ગુરુગ્રામની કાસા ડાંઝા ક્લબની ચોંકાવનારી ઘટના
ક્લબના બાઉન્સરોએ છોકરા સાથે આવેલી છોકરી સાથે કરી ગંદી હરકત
વિરોધ કરવા પર બાઉન્સરોએ બન્નેને માર મારીને અધમૂઆ કરી નાખ્યાં
સોશિયલ મીડિયા પર વાયરલ થયો વીડિયો
ક્લબના બાઉન્સર્સની મોડી ગૂંડાગીરી સામે આવી છે. વાંક બાઉન્સર્સનો હોવા છતાં પણ તેમણે રાતે આવેલા છોકરા અને છોકરીને લાકડીનો માર મારીને ઘાયલ કરી નાખ્યાં હતા. ગુરુગ્રામની જાણીતી કાસા ડાંઝા ક્લબમાં રવિવારે એક છોકરો અને છોકરી આવ્યાં હતા. ત્યાં હાજર રહેલા કેટલાક બાઉન્સરોએ છોકરીની છેડતી કરી નાખી હતી. છોકરી સાથે આવેલા છોકરાએ બાઉન્સરના આ કામનો વિરોધ કર્યો તો ગુસ્સે ભરાયેલા બાઉન્સરોએ યુવકને ફરી વળ્યાં હતા અને લાકડીઓએ તેને મારી મારીને અધમૂઓ કરી નાખ્યો હતો. આ શરમજનક ઘટનાનો વીડિયો વાયરલ થયા બાદ લોકો રોષે ભરાયા હતા આથી પોલીસે તાત્કાલિક બાઉન્સરની સામે એફઆઈઆર દાખલ કરી છે.
Gurugram, Haryana | A man, who went with his friends to Club Casa Danza in Udyog Vihar on the intervening night of Aug 7-8 was beaten by several bodyguards after one of them allegedly molested a female friend in their group.
યુવતી સાથે ગંદી હરકત કરી બાઉન્સરોએ
કાસા ડાંઝા ક્લબમાં રવિવારે રાતે આંતરરાષ્ટ્રીય કંપનીનો મેનેજર પોતાના મિત્રો સાથે પાર્ટી કરવા ગયો હતો. યુવાન સાથે તેની મિત્ર યુવતી પણ હતી. આ તમામ લોકો જ્યારે ક્લબમાં દાખલ થયા ત્યારે ત્યાં હાજર રહેલા બાઉન્સરોએ યુવતી સાથે ગંદી હરકત કરી. આથી યુવાને તેનો વિરોધ કર્યો હતો.
બાઉન્સરોએ રસ્તા વચ્ચે યુવક અને યુવતીને માર માર્યો
વિરોધ બાદ બાઉન્સરોએ રસ્તા વચ્ચે જ યુવક અને યુવતીને માર મારવાનું શરૂ કરી દીધું. આ દરમિયાન ક્લબના અડધો ડઝન જેટલા બાઉન્સરોએ યુવક-યુવતીઓ પર લાકડી વડે હુમલો કર્યો હતો. આ ઘટનાને સ્થળ પર હાજર કેટલાક લોકોએ પોતાના મોબાઇલ કેમેરામાં કેદ કરી લીધી હતી અને આ વીડિયો સોશિયલ મીડિયામાં વાયરલ થયો હતો. આ કેસમાં ત્રણ દિવસ બાદ પણ ગુરુગ્રામ પોલીસ હજુ સુધી કોઇ આરોપીની ધરપકડ કરી શકી નથી. જો કે આ કેસમાં ગુરુગ્રામ પોલીસે ઉદ્યોગ વિહાર પોલીસ સ્ટેશનમાં મારપીટ, લૂંટ અને છેડતીની કલમો હેઠળ કેસ નોંધ્યો છે.