ભારત અને ઓસ્ટ્રેલિયા વચ્ચે 9 ફેબ્રુઆરીથી ટેસ્ટ શ્રેણીની શરૂઆત થશે. ભારતીય ટીમના સ્ટાર બેટર વિરાટ કોહલી પાસે આ સીરીઝ દરમ્યાન સચિન તેંડુલકરનો મોટો રેકોર્ડ તોડવાની સુવર્ણ તક છે.
9 ફેબ્રુઆરીથી ભારત-ઓસ્ટ્રેલિયા વચ્ચે ચાર ટેસ્ટ મેચની ટેસ્ટ શ્રેણીની શરૂઆત
વિરાટ કોહલી પાસે સચિન તેંડુલકરનો મોટો રેકોર્ડ તોડવાની સુવર્ણ તક
વિરાટ કોહલી પાસે સચિન તેંડુલકરનો મોટો રેકોર્ડ તોડવાની તક
9 ફેબ્રુઆરીથી ચાર ટેસ્ટ મેચની ટેસ્ટ શ્રેણીની શરૂઆત થશે. બંને દેશોની વચ્ચે સીરીઝની પહેલી ટેસ્ટ નાગપુરના વિદર્ભ ક્રિકેટ એસોસિએશન સ્ટેડિયમમાં રમાશે. જેમાં ભારતીય ટીમના સ્ટાર બેટર વિરાટ કોહલી પાસે આ સીરીઝ દરમ્યાન સચિન તેંડુલકરનો મોટો રેકોર્ડ તોડવાની સુવર્ણ તક છે.
સચિનના નામે બોર્ડર-ગાવસ્કર ટ્રોફીમાં સૌથી વધુ સદી બનાવવાનો રેકોર્ડ
ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફીની શરૂઆત 1996માં થઇ અને ત્યારથી બંને દેશોની વચ્ચે કુલ 15 ટેસ્ટ સીરીઝ રમાઈ ગઇ છે. ભારતના મહાન બેટર અને ક્રિકેટના ભગવાન કહેવાતા સચિન તેંડુલકરના નામે બોર્ડર-ગાવસ્કર ટ્રોફીમાં સૌથી વધુ સદી બનાવવાનો રેકોર્ડ નોંધાયેલો છે. તેંડુલકરે ઓસ્ટ્રેલિયા સામે બોર્ડર-ગાવસ્કર ટ્રોફીમાં 65 ઈનિંગમાં 9 સદી ફટકારી છે.
ચાર વર્ષનો દુકાળ સમાપ્ત કરશે
વિરાટ કોહલીએ ઓસ્ટ્રેલિયા સામે બોર્ડર-ગાવસ્કર ટ્રોફીમાં 36 ઈનિંગમાં સાત સદી ફટકારી છે. કોહલીની પાસે આગામી બોર્ડર-ગાવસ્કર ટ્રોફીમાં સચિન તેંડુલકરના રેકોર્ડને તોડવાની શાનદાર તક હશે. મહત્વનું છે કે વિરાટ કોહલીએ ટેસ્ટ ફોર્મેટમાં લાંબા સમયથી સદી બનાવી નથી. કોહલીએ પોતાની અંતિમ ટેસ્ટ સદી બાંગ્લાદેશ સામે નવેમ્બર 2019માં ફટકારી હતી. ત્યારબાદ વિરાટે 20 ટેસ્ટ મેચ રમી. પરંતુ એક વખત પણ સદી બનાવી શક્યા નથી. જો કે, કોહલીએ છેલ્લાં થોડા સમયમાં ટી20 અને વનડે ફોર્મેટમાં ધુરંધર પ્રદર્શન કરીને બતાવ્યું છે કે તેઓ ફૉર્મમાં છે.