પ્રભાવશાળી પ્રદર્શન / 4 ઇનિંગમાં જ રાહુલને પછાડીને નંબર વન બન્યો આ ક્રિકેટર, નામ જાણીને વિશ્વાસ નહીં થાય

• દીપક હુડ્ડાએ 6 મેચની ચાર ઈનિંગમાં 68.33ની સરેરાશથી 205 રન બનાવ્યાં
• ટી-20 આંતરરાષ્ટ્રીય ક્રિકેટમાં સૌથી વધુ રન બનાવનારા બેટર બની ગયા
• દીપક હુડ્ડા રાહુલને પાછળ ધકેલી પહેલા નંબર પર આવી ગયા 

દીપક હુડ્ડાનું આયરલેન્ડ સામેની ટી-20માં સકારાત્મક પ્રદર્શન 

દીપક હુડ્ડાએ આયરલેન્ડ સામેની બે મેચની ટી-20 શ્રેણીમાં ગજબનુ પ્રદર્શન કર્યુ હતુ અને તેની ક્ષમતાના આધારે ઈંગ્લેન્ડ સામેની પ્રથમ ટી-20 મેચમાં પ્લેઈંગ ઈલેવનમાં જગ્યા આપવામાં આવી. એટલું જ નહીં, તેઓ વિરાટ કોહલીની જગ્યાએ ત્રીજા નંબરે આ મેચમાં બેટીંગ માટે ઉતર્યા. આ મેચ પહેલા હુડ્ડાએ આયરલેન્ડ સામે 104 રનની સદી રમી હતી. ઈંગ્લેન્ડ સામે તેમની શરૂઆત ખૂબ જ સારી રહી અને 17 બોલમાં બે ચોગ્ગા અને 4 છગ્ગાની મદદથી 33 રન બનાવ્યાં. પરંતુ તેને મોટી ઈનિંગમાં ફેરવી શક્યા નહીં. ક્રિસ જોર્ડને હુડ્ડાને પોતાનો શિકાર બનાવ્યો. પરંતુ તેઓ કેએલ રાહુલના આ રેકોર્ડને પાછળ છોડવામાં સફળ રહ્યાં. 

દીપક હુડ્ડાએ ચાર ઈનિંગમાં જ તોડ્યો કેએલ રાહુલનો રેકોર્ડ

દીપક હુડ્ડાએ ટી-20 આંતરરાષ્ટ્રીય ક્રિકેટની પોતાની પહેલી ચાર ઈનિંગમાં 205 રન બનાવ્યાં. જેમાં એક સદીનો સમાવેશ થાય છે. હવે તેઓ ભારત તરફથી ક્રિકેટના સૌથી શોર્ટ ફોર્મમાં પહેલી ચાર ઈનિંગમાં સૌથી વધુ રન બનાવનારા બેટર બની ગયા છે. આની પહેલા આ રેકોર્ડ કેએલ રાહુલના નામે નોંધાયેલો હતો. જેણે પ્રથમ ચાર ઈનિંગમાં 179 રન બનાવ્યાં હતા. હવે દીપક હુડ્ડા રાહુલને પાછળ ધકેલી પહેલા નંબર પર આવી ગયા છે. આ યાદીમાં 150 રનની સાથે સૂર્યકુમાર યાદવ ત્રીજા સ્થાને છે તો 128 રનની સાથે ગૌતમ ગંભીર ચોથા નંબરે છે.