Bottle Cap Challenge / કેપ્ટન કોહલીએ પૂરી કરી બોટલ કેપ ચેલેન્જ, આવી રીતે ખોલ્યું ઢાંકણું

સોશિયલ મીડિયા પર હાલ કોઇને કોઇ ચેલેન્જ સામે આવતી રહે છે. છેલ્લા કેટલાક દિવસથી બોટલ કેપ ચેલેન્જ ચાલી રહી હતી, જેમાં લોકો પોતાના અનોખા અંદાજમાં બોટલનું ઢાંકણું ખોલતા હતા. આ ચેલેન્જમાં હવે ટીમ ઇન્ડિયાના કેપ્ટન વિરાટ કોહલી પણ પોતાના અંદાજમાં સામેલ થઇ ગયો છે.

વિરાટે 15 સેકન્ડનો એક વીડિયો સોશિયલ મીડિયા પર અપલોડ કર્યો છે. જેમાં તે બેટથી બોટલનું ઢાંકણું ખોલતા નજરે જોવા મળી રહ્યો છે. ક્રિકેટના મેદાન પર વિરાટ કોહલીને કદાચ જ તમે રિવપર્સ શૉટ રમતો જોયો હશે. પરંતુ વિરાટે આ શૉટની એક ઝલક આ ચેલેન્જમાં રજૂ કરી છે. 

Better late than never.🏏😎#BottleCapChallenge pic.twitter.com/mjrStZxxTi

— Virat Kohli (@imVkohli) August 10, 2019

આ વીડિયોમાં બેક ગ્રાઉન્ડમાં ચાલી રહેલી કોમેન્ટ્રી એને વધારે ખાસ બનાવે છે. વીડિયોની સાથે જે અવાજ મિક્સ કરવામાં આવ્યો છે એ ટીમ ઇન્ડિયાના કોચ રવિ શાસ્ત્રીનો છે. શાસ્ત્રી જ્યારે ક્રિકેટ કોમેન્ટ્રી કરતા હતા, ત્યારની એમની કોઇ કોમેન્ટ્રીની ક્લિપ એમાં સામેલ કરવામાં આવી છે. 

આ વીડિયોમાં વિરાટ પોતાના હાથમાં બેટ ફેરવે છે અને પછી બોટલ પર ફોકસ કરીને એને રિવર્સ હિટના અંદાજમાં એની કેપ પર મારે છે. આ શૉટથી બોટલનું ઢાંકણું દૂર જઇને પડે છે પછી વિરાટ બોટલને ઊઠાવીને એનાથી પાણી સિપ કરે છે અને પોતાના અંદાજમાં જ આંખ મારે છે.