કેટલીકવાર કોઈ સ્ત્રી અથવા પુરુષને મળ્યા પછી તમને એવો અનુભવ મળે છે કે, તમે બંને એકબીજાને ખૂબ સારી રીતે સમજો છો. તમારા બંનેના વિચારો, શોખ, રહેવાની ટેવ બધુ મળતુ આવે છે. તમને લાગે છે કે, જાણે બધા ગ્રહો અને તારા તમને એક કરવા પ્રયાસ કરી રહ્યા હોય. જો કે, ઘણી વખત આ તારાઓ મળતા નથી, જેના કારણે સંબંધોમાં તણાવ, લડાઇ-ઝઘડા અને બિનજરૂરી વિવાદ શરૂ થાય છે.
કેટલાક રાશિવાળા એકબીજા પ્રત્યે ખૂબ આકર્ષિત થાય છે, તો કેટલાક રાશિવાળા એકબીજાથી સાવ વિરુદ્ધ હોય છે. જો કે, જો તમારી પાસે એકબીજાને અનુકૂળ થવાની ક્ષમતા છે, તો પછી રાશિચક્રના ચિહ્નોથી કોઈ ફરક પડતો નથી. હવે તમને જણાવીએ કે, જ્યોતિષ શાસ્ત્ર અનુસાર કયા પ્રકારનાં લોકો સારા કપલ્સ બની શકતા નથી.
મકર અને મેષ રાશિ, સાથે ખુશ રહેતા નથી
મકર રાશિના લોકો, જેમની પાસે સારા વિચારો અને રહેવાની ટેવ છે, જુસ્સાદાર અને ઉત્સાહી હોય છે જે મેષ રાશિ સાથે બિલકુલ મેળ ખાતા નથી. મેષ રાશિના લોકોને નિયંત્રણમાં રાખવાની સ્વભાવના કારણે, મકર રાશિના લોકો તેમની સાથે ખુશ હોતા નથી અને ખૂબ તનાવ અનુભવે છે. તેવી જ રીતે, મકર રાશિના લોકોના ઘર થી ઓફિસ સુધીનુ ધીમું કામ કરવાને કારણે, મેષ રાશિના લોકોને પણ સુસંગતતા બનાવવામાં મુશ્કેલી આવે છે.
કુંભ અને વૃષભ રાશિ, એક દંપતીની જેમ સાથે આવી શકતા નથી
કુંભ રાશિના લોકો જે એનર્જી, સ્વતંત્ર વિચારોથી ભરેલા હોય છે. તેઓ ઘણીવાર હઠીલા અને મજબૂત સ્વભાવ સાથે વૃષભ રાશિ સાથે સંઘર્ષ કરે છે. વૃષભ રાશિના લોકો કુંભ રાશિના લોકોના ખુલ્લા વિચારો સાથે સમાધાન કરતા નથી. જ્યારે આ બંને એક દંપતીની જેમ એક સાથે આવે છે, ત્યારે પૈસા, ઘર, ભાવિ યોજનાઓથી માંડીને દરેક નાની વસ્તુઓ, બધી બાબતો પર લડાઈ થતી હોય છે.
મીન અને મિથુન રાશિ, એકબીજાને સમજી શકતા નથી
કલાત્મક અને સહેલાહ, મીન રાશિના જાતકોને તેમના મિથુન રાશિના જીવનસાથીને સમજવામાં ઘણી તકલીફ પડે છે. મીન રાશિના લોકો અન્યની જરૂરિયાતો, ઇચ્છાઓ અને લાગણીઓનું ખૂબ ધ્યાન રાખે છે, જ્યારે મિથુન રાશિ વિશે એવું કહેવામાં આવે છે કે, તેઓ કહે કંઈક બીજું અને કરે કંઈક બીજું છે, અને આ લોકો હંમેશા મૂંઝવણમાં રહે છે જેના કારણે તેઓનુ મીન રાશિ સાથે બનતુ નથી.
મેષ અને કર્ક રાશિ, એકબીજાને ટેકો આપી શકતા નથી
ભડકાઉ અને નિર્ધારિત મેષ રાશિના લોકો જ્યારે કર્ક રાશિ સાથે સંકળાયેલા હોય ત્યારે તેમને મુશ્કેલીઓનો સામનો કરવો પડે છે. કર્ક રાશિવાળા લોકો અન્યની સંભાળ રાખે છે અને ખૂબ નમ્ર હોય છે, જયારે સામે મેષ રાશિવાળા આથી સાવ જુદા હોય છે. એકબીજાના વિરોધી સ્વભાવને કારણે, તેઓને એકબીજાને ટેકો આપવામાં ઘણી સમસ્યાઓનો સામનો કરવો પડે છે. મેષ રાશિના લોકો જેટલા બહર્મુખી હોય છે, એટલા જ મકર રાશિના લોકો અંતર્મુખી હોય છે.
વૃષભ અને સિંહ રાશિ, બંને વચ્ચે ઘણી વાર લડાઈ થાય છે
વૃષભ અને સિંહ બંને સ્વભાવથી જિદ્દી છે. સિંહ લોકો લાઇમલાઇટમાં રહેવાનું પસંદ કરે છે, જ્યારે વૃષભ લોકો પોતાની દુનિયામાં રહેવા માંગે છે, જુદા પડતા સ્વભાવને કારણે બંને વચ્ચે ઘણી વાર લડાઈ થતી હોય છે.
મિથુન અને કન્યા રાશિ, બંને વચ્ચે તાલમેલ બેસતો નથી
મિથુન રાશિના લોકો ઉત્સાહિત અને જિજ્ઞાસુ સ્વભાવના હોય છે, જયારે કન્યા રાશિના લોકો સાવ કંટાળાજનક હોય છે. મિથુન રાશિના લોકો મનોરંજન અને પ્રેમ કરવામાં માને છે, જ્યારે કન્યા રાશિ માટે તેમનુ કામ સૌથી મહત્વનુ હોય છે. જેથી તેઓ પ્રેમને સારી રીતે દર્શાવી શકતા નથી. બંનેના સ્વભાવ સરખા ના હોવાથી બંને વચ્ચે તાલમેલ બેસતો નથી.
કર્ક અને તુલા રાશિ, જ્યારે તેઓ બગડે છે ત્યારે સંબંધ બગાડી દે છે
કર્ક રાશિવાળા લોકો તેમની પ્રામાણિકતા, સ્થિરતા, ઉદારતા અને સંવેદનશીલતા માટે જાણીતા છે જ્યારે તુલા રાશિના લોકો દેખાવ કરનારા હોય છે. આ બંને એકબીજા સાથે સંપૂર્ણપણે મેળ ખાતા નથી. કર્ક રાશિવાળાઓને તુલા રાશિવાળા લોકો સાથે ખૂબ ધીરજથી કામ કરવું પડે છે, પરંતુ જ્યારે તેઓ બગડે છે ત્યારે સંબંધ બગાડી દે છે.
ધનુ અને મીન રાશિ, બંને સાથે રહી શકતા નથી
ધનુ રાશિવાળા લોકો તેમની નૈતિકતા અને દાર્શનિક દૃષ્ટિકોણ માટે જાણીતા છે. ધનુ રાશિના લોકો તેમના આસપાસના માહોલને ખૂબ જ સુખદ બનાવે છે, જ્યારે મીન રાશિના લોકો પોતાનામાં જ રહે છે, તેઓ વધુ પડતા ઈમોશ્નલ હોય છે, જેથી ખુશ મિજાજ ધરાવતા ધનુ રાશિવાળા લોકો માટે આ સમજવું મુશ્કેલ થઈ જાય છે. તેથી આ બંને સાથે રહી શકતા નથી.
સિંહ અને વૃશ્ચિક રાશિ, બંને વચ્ચે ઘણી દલીલો અને લડાઈ થાય છે
મજાક કરવાના શોખીન એવા સિંહ રાશિવાળાથી હઠીલા સ્વભાવવાળા વૃશ્ચિક રાશિના લોકો સાથે સ્વભાવ અનુરૂપ આવતો નથી અને સાથે રહેવામાં ઘણી મુશ્કેલી પડે છે. સિંહ રાશિવાળા કોઈ પણ બાબતમાં પોતે જ નિર્ણય લેતા હોય છે, આ આદતને કારણે, તેઓ હંમેશાં વૃશ્ચિક રાશિના લોકોની નજરોમાં જ હોય છે. આ કારણથી બંને વચ્ચે ઘણી દલીલો અને લડાઈ થાય છે.
કન્યા અને ધનુ રાશિ, તેમના સંબંધો યોગ્ય અને મજબૂત બનતા નથી
કન્યા રાશિના લોકો કોઈ પણ કામ અધૂરું છોડતા નથી. અને અન્ય લોકો પાસેથી પણ એવી જ અપેક્ષા રાખે છે. આ ટેવને લીધે, ધનુરાશિ સ્વતંત્ર વિચારોવાળા લોકો તેમના જીવનમાં દખલગીરી કરતા રહેતા હોય છે. તેઓ કન્યા રાશિવાળા સાથે એક રીતે દબાણ અનુભવે છે, જેના કારણે તેમના સંબંધો યોગ્ય અને મજબૂત બનતા નથી.
તુલા અને મકર રાશિ, તેઓ એકબીજા સાથે કમફર્ટેબલ થઈ શકતા નથી
તુલા રાશિના લોકો ખુલ્લા વિચાર ધરાવતા હોય છે અને મકર રાશિના લોકો પણ તેમના સારા વર્તન માટે જાણીતા છે. મકર રાશિના લોકો કેટલીકવાર ખૂબ કડક થઈ જાય છે જેના કારણે તુલા રાશિના લોકો તેમને સાથ આપી શકતા નથી. જેના કારણે તેઓ એકબીજા સાથે કમફર્ટેબલ થઈ શકતા નથી.
વૃશ્ચિક અને કુંભ રાશિ, તેઓનુ એકબીજા સાથે બિલકુલ બનતુ નથી
વૃશ્ચિક અને કુંભ સ્વભાવવાળ સંપૂર્ણ રીતે એકબીજાની વિરુદ્ધ છે. આ બંનેના સંબંધોમાં પ્રેમ અને પ્રામાણિકતાનો અભાવ હોય છે. તેઓ એકબીજાના સંબંધને આગળ વધારવા અને કોઈપણ પ્રકારનો નિર્ણય લેવામાં સક્ષમ હોતા નથી. આ કારણે તેઓનુ એકબીજા સાથે બિલકુલ બનતુ નથી.