વિવાદ / ગઢડા સ્વામિનારાયણ મંદિરના સ્વામી ભાનુપ્રસાદની જ્ઞાતીવાદી ટીપ્પણી બાદ ગ્રામજનોએ કર્યુ એવું કે...

• ગોપીનાથ મંદિરના સાધુના વીડિયોનો મામલો
• ગઢડાના લોકોમાં સાધુ ભાનુપ્રકાશ સામે રોષ 
• આજે સમગ્ર ગઢડા ગામ બંધ રહેશે

ગઢડાના ગ્રામજનોમાં સાધુ ભાનુપ્રકાશ સામે રોષ વ્યાપ્યો છે. ગઢડાને તીર્થ મુડીયું ગામ લોકોએ સજ્જડ બંધ આપ્યો છે. આજે સમગ્ર ગઢડા ગામ બંધ રહેશે. ભાનુપ્રસાદે એક જ્ઞાતિ વિરુદ્વ અભદ્ર ટિપ્પણી કરી હતી. 

ગઢડા સ્વામિનારાયણ મંદિરના સાધુનો વીડિયો વાયરલ થયો છે. વીડિયોમાં સાધુ ગઢડાની ચોક્કસ જ્ઞાતિઓ વિરુદ્ધ બોલી રહ્યા છે. ગઢડા મંદિરના ચેરમેનની ઓફિસમાં થઈ રહેલી વાતનો વીડિયો વાયરલ થતા ચકચાર મચી ગઈ હતી. ગઢડા મંદિરના દેવપક્ષના ભાનુ પ્રકાશ સ્વામીનો વીડિયો વાયરલ ખયો હતો. સ્વામીના વીડિયોને લઈને ગઢડા શહેરમાં ટોક ઓફ ધ ટાઉનનો મુદ્દો બની રહ્યો હતો. સાધુના આ વાયરલ વીડિયોની VTV પુષ્ટી કરતું નથી. 

ગઢા મંદિર વિવાદમાં

ગઢડા ગોપીનાથ મંદિરને ગ્રહણ લાગ્યું હોય તેમ એક પછી એક ઘટનાઓ થઇ રહી છે. જેમાં પોલીસને સામેલ થવુ પડી રહ્યું છે. હવે કોઇ અન્ય કારણોસર દેવપક્ષના પાર્ષદ વિપુલ ભગતની પોલીસે અટકાયત કરી છે. વિપુલ ભગતની તેમના નિવાસ સ્થાનેથી અટકાયત  કરવામાં આવી છે. આ માટે તેમના નિવાસ સ્થાને DySP નકુમ, PSI સહિતના કાફલા સાથે તેમને પોલીસ સ્ટેશને લઇ જવામાં આવ્યા છે. વિપુલ ભગતને જુના ગુના હેઠળ પોલીસ લઈ ગયાની લોકોમાં ચર્ચા રહી છે. 

આ પણ છે વિવાદ

ગઢડા ગોપીનાથજી મંદિરમાં સાંખ્યયોગી બહેનની ધરપકડ કરવામાં આવી છે. આચાર્ય પક્ષના સાંખ્યયોગી બહેનની ધરપકડથી મામલો ગરમાયો છે. આ અંગે 3 માસ અગાઉ દેવપક્ષની બહેનોએ પોલીસ ફરિયાદ કરી હતી. મંદિર પરથી સાંખ્યયોગી બહેનની ધરપકડથી વાતાવરણ તંગ બન્યું છે. પોલીસ અને સાંખ્યયોગી બહેનો વચ્ચે બબાલ થઇ છે. અંતે પોલીસે કિરણબેન નામના સાંખ્યયોગી બહેનની ધરપકડ કરી છે. આ મહિલા પોલીસનો મોટો પોલીસ કાફલો ઘટનાસ્થળે પહોચ્યો હતો.