ગઢડાના ઢસા ગામમાં પોલીસ અને એક યુવક વચ્ચે થયેલી સામાન્ય બોલાચાલીએ જોત જોતામામ મોટું રૂપ ધારણ કરી લીધુ હતુ અને ઘટના એટલી ગંભીર થઈ ગઈ કે, પોલીસે ટીયર ગેસ છોડવા પડ્યા અને અફરાતફરીમાં 3થી 4 લોકો ઘાયલ થયા આવો જાણીએ શું છે સમગ્ર મામલો?
પોલીસે ખોટી રીતે યુવકને માર મારવાનો આક્ષેપ
પોલીસ વિરુદ્ધ લોકોનાં ટોળાં ઉમટ્યાં
સમગ્ર જિલ્લા નો પોલીસ કાફલો ખડકાયો
પોલીસ દ્વારા ફરજ રૂકાવટની ફરીયાદ નોંધાઈ તેમજ 150 લોકોના ટોળા વિરુદ્ધ ફરીયાદ દાખલ કરાઇ છે. તો ત્રણથી વધારે પોલીસ કર્મી દ્વારા માર માર્યાની તેમજ જ્ઞાતિ વિરુદ્ધ અપમાનજનક શબ્દો બોલવાની પોલીસ ફરીયાદ નોધાઈ છે.
લોકોના ટોળા પોલીસ વિરુદ્ધ ઉમટી પડયા
બોટાદ જિલ્લાના ગઢડા તાલુકાના ઢસાગામમાં રાજકોટ-ભાવનગર ચોકડી પાસે કાર પાર્કિંગ મુદ્દે એક પાન દુકાન સંચાલકને પોલીસ સાથે બોલાચાલી થતા પોલીસે માર મારવાની ઘટનાના પગલે મોટી સંખ્યામાં લોકોના ટોળા પોલીસ વિરુદ્ધ ઉમટી પડવાની ઘટનાથી ભારે ચકચાર મચી જવા પામી હતી.
સાવ સામાન્ય બાબતે લીધુ મોટું રૂપ
આ મુદ્દે જાણવા મળતી પ્રાથમિક માહિતી મુજબ ઢસાગામ ચોકડી પાસે એક પાનની દુકાન સામે અડચણ થાય તેવી રીતે પોલીસ સ્ટાફ ના માણસોએ એક કાર પાર્ક કરતા દુકાનદાર તરફથી અડચણ ના થાય એ રીતે કાર પાર્ક કરવા અને ત્યાંથી કાર લઈ લેવા કહેતા આ કારમાં સિવિલ ડ્રેસમાં રહેલા અને નહી ઓળખી શકેલા પોલીસ સ્ટાફ સાથે ઉગ્ર બોલાચાલી અને ઝપાઝપી થતાં મામલો ભારે બિચક્યો હતો.
યુવકને ખોટી રીતે માર મારવાનો આક્ષેપ
ચર્ચાતી વિગતો અનુસાર 3 પોલીસમેન દ્વારા કાર લઈ લેવા જેવી બાબતમાં બોલાચાલી થતાં એક યુવકને ખોટી રીતે માર મારવાની ઘટનાથી વાયુવેગે સમાચાર ફેલાઈ જતા ઢસા પંથકના એકજ મોટા સમાજના લોકોના ટોળા મોટી સંખ્યામાં પોલીસ સ્ટેશન ઉમટી પડ્યા હતા.
પોલીસ વડા હર્ષદ મહેતા સહિતનો સમગ્ર જિલ્લાનો પોલીસ કાફલો ઢસા દોડી આવ્યો
આ ઘટનાના પગલે જિલ્લા પોલીસ વડા હર્ષદ મહેતા સહિતનો સમગ્ર જિલ્લાનો પોલીસ કાફલો ઢસા દોડી આવ્યો હતો અને કાબૂ બહાર ઉશ્કેરાયેલા ટોળાને કંટ્રોલ કરવા માટે ઢસા પી.આઈ. તરફથી રિવોલ્વર કાઢવી પડી હતી તેમજ ટોળાને કાબૂમાં લેવા પોલીસ ને ૩ જેટલા ટીયર ગેસ છોડવા પડતા અફડાતફડી નો માહોલ ફેલાઈ જવા પામ્યો હતો.
રાયોટીંગનો ગૂનો નોંધાયો
આ દરમિયાન થયેલી ભાગદોડ માં 3-4 વ્યક્તિ ને નાની મોટી ઈજા થતાં સારવાર માટે ગઢડા અને ત્યાર બાદ ભાવનગર તેમજ લાઠી ખસેડવા પડ્યા હતા. આ મુદ્દે મોડી સાંજ સુધી ચાલુ રહેલી માથાકૂટના અંતે પોલીસે પાન દુકાન સંચાલક સામે ફરીયાદ ગુન્હો દાખલ કરવામાં આવ્યો અને 150 કરતા વધારે ટોળા વિરુદ્ધ રાયોટીગનો ગુનો દાખલ કર્યો હતો.
દુકાનદારોએ પોલીસકર્મીઓ વિરૂદ્ધ નોંધાવી ફરિયાદ
પાનના દુકાનદારના સમાજના લોકો મોટી સંખ્યામાં પોલીસ મથકે પહોચી જયાસુધી પોલીસ કર્મીઓ વિરુદ્ધ ફરિયાદ ન નોધો ત્યાં સુધી પોલીસ મથકે બેસવાની માંગ સાથે પોલીસ મથકે બેસી ગયા હતા અને અંતે 3 થી 4 જેટલા પોલીસ કર્મચારીઓ વિરુધ્ધ ફરિયાદ નોધાઈ હતી
જિલ્લા પોલીસ વડાનું શું કહેવું છે?
જિલ્લા પોલીસ વડા હર્ષદ મહેતા એ જણાવ્યું હતું ks, ગઢડા તાલુકાના ઢસા ગામે પાનની દુકાનદાર અને પોલીસ કોન્સ્ટેબલ વચ્ચે નજીવી બાબતે થયેલ બોલાચાલી મામલે મોટી સંખ્યામાં લોકોના ટોળા પોલીસ મથકે એકઠા થયા હતા અને પોલીસ કર્મચારીઓ સાથે ઝપાઝપી કરી હતી જેથી ટોળા ને વિખેરવા પોલીસ દ્વારા 3 થી 4 સેલ ટીયરગેસ ના છોડીયા હતા જયારે અમુક નામ જોગ તેમજ 150 જેટલા લોકોના ટોળા વિરુદ્ધ રાયોટીગ સહિતની ફરીયાદ દાખલ કરી છે તેમજ સામા પક્ષના આગેવાનોએ કરેલ રજુઆત બાબતે અમે તપાસ કરીશું.
આ મામલે ગામ લોકોનું શું કહેવુ છે?
ઢસા ગામે ચાર રસ્તા પર પાનની દુકાન ચલાવતા નરેશભાઈ ગોલેતર ને ઢસા પોલીસ સ્ટેશનમાં ફરજ બજાવતા ત્રણ જેટલા પોલીસ કર્મચારીઓ દુકાન સામે આવી નરેશભાઈ ને બે ફામ માર મારી પોલીસ મથકે લઈ ગયા અને ત્યાં પણ ઢોર માર માર્યો હતો. એટલે સમાજના લોકો પોલીસ મથકે પોલીસ કર્મચારીઓ વિરુધ્ધ ફરિયાદ કરવા પહોંચ્યા હતા પણ પોલીસે તમામ આગેવાનોને પણ ગાળો બોલી માર માર્યો હતો તેમજ અન્ય પોલીસ કર્મચારીઓ દ્વારા જ્ઞાતિ વિરુદ્ધ અપમાનીત શબ્દો બોલ્યા હતા તેથી મામલો વધુ ઉગ્ર બન્યો હતો અને પોલીસ દ્વારા ટીયરગેસ ના સેલ છોડવામાં આવ્યા હતા. આ ઘટનામાં 3 લોકો ઘાયલ થયા હતા જેમને ભાવનગરના લાઠી દવાખાને સારવાર માટે લઈ જવાયા છે. અને સમાજના આગેવાનોએ પોલીસ વિરૂદ્ધ ફરિયાદ નોંધાવી છે.
પોલીસ સામે કાર્યવાહી કરવાની માંગ
બપોરના ૩ થી ૪ કલાક ના સમાજના આગેવાનો પોલીસ વિરૃધ્ધ ફરિયાદ નોધાવવા રજુઆત કરવા છતાં પોલીસ ટચ ની મચ ન થઈ અને આખરે ત્રણ થી ચાર જેટલા પોલીસ કર્મચારીઓ વિરુધ્ધ પોલીસ ફરિયાદ ની તજવીજ હાથ ધરી છે પરંતુ નિર્દોષ યુવાનને મારમારનાર પોલીસ કર્મચારીઓ વિરુધ્ધ પગલા ભરી તેઓને સસ્પેન્ડ કરવામાં આવે તેવી સમાજના આગેવાનોએ માંગ કરી છે તેમજ જો અમને ન્યાય નહી મળે તો આગામી દિવસોમાં સમાજ દ્વારા ઉગ્ર આંદોલન કરવાની ચીમકી ઉચ્ચારી હતી