VIDEO: બોટાદના ખાણ ખનીજ વિભાગના અધિકારીનો ઓડિયો થયો વાયરલ

બોટાદમાં ખાણ ખનીજ વિભાગના અધિકારી યોગેશ પટેલનો ઓડિયો વાયરલ થઈ રહ્યો છે.આ ઓડિયોમાં સ્થાનિક યોગેશ પટેલને ખનીજની ચોરીની ફરિયાદ કરી રહ્યો છે. આ ઓડિયોમાં સ્થાનિક અધિકારીને ભ્રષ્ટાચારી પણ કહી રહ્યો છે અને અધિકારી પર પૈસા લેવાના આક્ષેપ પણ કરી રહ્યો છે.

ઉલ્લેખનીય છે કે આ ઓડિયોમાં સ્થાનિક કહી રહ્યો છે કે ઘણા સમયથી ખનીજની ચોરીની ફરિયાદ થાય છે તેમ છતાં અધિકારીઓ દ્વારા પગલા કેમ લેવામાં આવતા નથી.ખનીજ ચોરીની જાણકારી હોવા છતા અધિકારીઓ દ્વારા તેમના વિરૂદ્ધમાં કાર્યવાહી કેમ કરવામાં આવતી નથી.  



આપને જણાવી દઇએ કે બોટાદ જિલ્લાના ગઢડામાં આવેલ ઘેલો નદીમાં બેરોકટોક ખનીજ માફિયાઓ દ્વારા ખનીજની ચોરી કરવામા આવે છે તેમજ રાત્રી દરમ્યાન પોલીસ સ્ટેશનની બાજુમાંથી પણ કોઈ પણ પ્રકારની બીક વગર ખનીજ માફિયા દ્વારા ખનીજ ચોરી કરે છે જે મામલે ગઢડાના યુવાન અર્જુન રાજયગુરુએ આ મામલે રાજયના મુખ્યમંત્રી સહિતના અધિકારીઓને લેખિત રજુઆત કરવામાં આવી છે તેમજ આરટીઆઈ પણ કરેલ પરંતુ બોટાદ ખાણ ખનીજ અધિકારી દ્વારા કોઈ પગલા ન લેવાતા ગઈકાલે અર્જુન રાજયગુરુએ બોટાદ ખાણખનીજ અધિકારી યોગેશ પટેલને ફરીયાદ કરવા ટેલીફોન કરેલ.

તેણે જણાવેલ કે સાહેબ ગઢડામાં ખુલ્લેઆમ ખનીજની ચોરી થાય છે પરંતુ આપના દ્વારા કોઈ પગલા લેવાતા નથી જો તમે પૈસા લેતા હોય તો અમે ફરીયાદ ન કરવી ત્યારે બોટાદ ખાણખનીજ અધિકારી યોગેશ પટેલે જણાવેલ કે ફરીયાદ ન કરતા તેમ કહી પોતે સાબિત કર્યુ કે અમે પૈસા લઈએ છીએ આ બાબતો ઓડિયો ક્લીપ અર્જુન રાજયગુરુ દ્વારા મીડિયામાં વાઈરલ કરવામાં આવી હતી.

શું થઇ વાતચીત..?

સ્થાનિકઃ દરગાહ સિંહ બોલુ છું સાહેબ 
યોગેશ પટેલઃ હા 
સ્થાનિકઃ સાહેબ સત્તાણા વચ્ચે લીઝ ચાલે છે તેમા તમે ક્યારે તપાસ કરી છે લીઝને બહારથી ચલાવે છે  
યોગેશ પટેલઃ કોણ લીઝની બહાર ચલાવે છે? 
સ્થાનિકઃ લીઝની બહાર વિપુ કર્ણનનું ચાલે છે  
યોગેશ પટેલઃ તે ભાઈની લીઝ છે કે તે એમજ ચલાવે છે 
સ્થાનિકઃ તેઓ લીઝની બહારથી ભરે છે તમે તે સ્થળ પર ખાડા જોઈ શકો છો. તમે ત્યાં ખાડા પણ માપી શકો છો. હાલમાં જે સ્થળ પર ખાડા કરેલા હશે તેમા તમને ખબર પડશે.  
યોગેશ પટેલઃ  હા ખબર પડશે કેમ ખબર નહી પડે. 
સ્થાનિકઃ આ મામલે તમે તેમની પાસેથી પૈસા લેતા હોય તો અમે લોકો ફરિયાદ કરવાનુ બંધ કરી દઈએ. 
યોગેશ પટેલઃ તમે ફરીયાદ શા માટે કરો છો? 
સ્થાનિકઃ સાહેબ તમે પૈસા લો છો. 
યોગેશ પટેલઃ તમને આવુ કોણે કીધુ? 
સ્થાનિકઃ આટલા સમયથી ગેરકાયદેસર ચાલે છે તો તમારી પાસે ફરિયાદ આવે છે તેમ છતા તમે કેમ ત્યા ફોન કરીને પછી જાઓ છો? 
યોગેશ પટેલઃ કોણે ફોન કર્યો છે? 
સ્થાનિકઃ અત્યારે તમે તપાસ તો કરી જુઓ હાલમાં તે સ્થળ પર ગેરકાયદેસર ખનન કરવામાં આવે છે. તમે તે સ્થળ પર તપાસ કરશો તો ખાડા પણ દેખાશે. તમે જતા પહેલા ફોન કરીને કહો છે લીઝમાં લઈ લેજો અમે તપાસ કરવા માટે આવીએ છીએ. 
યોગેશ પટેલઃ તમને આવુ કોણે કીધુ છે? 
સ્થાનિકઃ તમે પોતે ભ્રષ્ટાચારી છો. તમે આવા ખોટા કામ કરશો તો આવુ નહી ચાલે. તમે ભ્રષ્ટાચારી નથી તો ત્યાં તપાસ કરીને જુઓ તે સ્થળ પર ખાડા મળશે. અને તે લોકોને દંડ આપો તો ખબર પડે. તમે તેમની પાસેથી પૈસા નથી લેતા તો તેમને દંડ ફટકારો. જો તમે પૈસા ન લેતા હો અને તમે અધિકારી છો તો તમે ચોરી કરતા લોકોને દંડ ફટકારો.