બોટાદ: કાર અને ટેમ્પો વચ્ચે ગમખ્વાર અકસ્માત 2 લોકોના કમકમાટીભર્યા મોત

બોટાદના ગઢડાના ટાટમ ગામમાં અકસ્માતની ઘટના સામે આવી છે. ટાટમ ગામમાં કાર અને ટેમ્પો વચ્ચે અકસ્માત થયો હતો. અકસ્માત થતાં કારમાં આગ લાગી હતી. આગ લાગતા કારમાં સવાર યુવક અને મહિલાનું ઘટનાસ્થળે મોત થયું છે.

જ્યારે 2 અન્ય લોકો પણ ઈજાગ્રસ્ત થયા છે. આ ઘટનાની જાણ થતાં પોલીસકર્મી અને ફાયર વિભાગની ટીમ ઘટનાસ્થળે પહોંચી હતી. પોલીસે અકસ્માતનો ગુનો નોંધીને આગળની કાર્યવાહી હાથધરી છે. 
 

#Botad ના ગઢડાના ટાટમ ગામ પાસે અકસ્માતm કાર અને ટેમ્પો વચ્ચે અકસ્માત
અકસ્માત થતાં કારમાં લાગી આગ કારમાં સવાર યુવક અને મહિલાનું ધટનાસ્થળે મોત
અન્ય બે લોકો ઇજાગ્રસ્ત#ACCIDENT pic.twitter.com/KhDCSsIfwV

— VTV Gujarati News (@VtvGujarati) October 27 2018

આ ઘટના અંગે મળતી જાણકારી મુજબ બોટાદ જિલ્લાના ગઢડા નજીક આવેલ ટાટમ ગામ ખાતે આજરોજ વહેલી સવારે કાર અને ટેમ્પો વચ્ચે ભયંકર ગમખ્વાર અકસ્માત સર્જાયો હતો.

જેના પગલે વાતાવરણમાં ભયનો માહોલ જોવા મળ્યો હતો. જો કે અકસ્માતને પગલે કારમાં આગ ભભૂકી ઉઠી હતી. આગ લાગવાને કારણે કારમાં સવાર યુવક અને મહિલા દરવાજો ખોલી નહીં શકતા તેમનું ઘટનાસ્થળે જ મોત નિપજ્યું હતું.



આ સાથે જ આ દુર્ઘટનામાં 2 લોકો ઇજાગ્રસ્ત પણ થયાં હતા. જો કે આ ઘટના અંગેની જાણકારી નજીકના પોલીસ મથકે થતાં પોલીસ કાફલો અને ફાયર વિભાગની ટીમ ઘટના સ્થળે આવી પહોંચી હતી અને રાહત કામગીરી હાથ ધરી હતી. આ સાથે અકસ્માતને પગલે ઘાયલ થયેલા લોકોને નજીકના દવાખાને ખસેડવાની કામગીરી પણ હાથ ધરવામાં આવી હતી.