આ કંપની કામ કરવા માટે નહીં પરંતુ રજાઓ માણવા માટે આપશે રૂ. 5 લાખ

વાસ્તવમાં યૂએસની એક સોફ્ટવેર કંપનીમાં રજાઓને લેવી ગંભીર મુદ્દો ગણાય છે. અહી કામ કરનાર દરેક કર્મચારીને દર વર્ષે 7 500 ડૉલર એટલે રે આશરે પાંચ લાખ રૂપિયા બોનસ કરીકે આપવામાં આવે છે. પરંતુ સાથે એવી શરત મુકવામાં આવે છે કે આ દરમિયાન તેમણે કંપનીના કામકાજથી દૂર રહેવું પડશે. જો તમે આ નિયમનો ભંગ કરો તો તમને આપવામાં આવેલા પૈસા પરત લઇ લેવામાં આવે છે.

આ કંપની અમેરિકાના ડેનવર શહેરમાં છે  આ એક સોફ્ટવેર કંપની છે. આ કંપનીના નિયમમો અનુસાર કર્મચારીઓ માટે રજાઓ લેવા અનિવાર્ય છે. એટલું જ નહી જો તમે રજાઓ દરમિયાન કંપનીનું કોઇ કામ કરો તો તમારી સેલરી માંથી પૈસા કપાઇ જાય છે.

આ કંપનીનું નામ છે ફુલકૉન્ટેક્ટ્સ. કંપનીના ફાઇનાન્સ અને ઓપરેશન ડાયરેક્ટર જેનેટ રસલે જણાવ્યું કે ''જ્યારે તે રજા પર હોય છે ત્યારે ઇમેઇલ એપ્લિકેશન ડિલિટ કરી દે છે અને પોતાનું લેપટોપ કોઇ સાઇડમાં મુકી દે છે. આ જ તેમની કંપનીની પોલિસી પણ છે.'' તેમણે જણાવ્યું કે ''જ્યારે આપણે વર્ક લાઇફ બેલેન્સ કરીએ છીએ ત્યારે આપણે તે કામ પુરુ કરીને પણ બતાવીએ છીએ આ તેનો પુરાવો છે.''

આ કંપની પોતાના કર્મચારીઓને દરવર્ષે બોનસ તરીકે 5 લાખ રૂપિયા ચુકવે છે. ફક્ત શરત અનુસાર તેણે કંપનીના કામથી દૂર રહેવાનું છે. કંપનીનું માનવુ છે કે તેનાથી કર્મચારીઓમાં એક નવી ઉર્જા પેદા થાય છે અને તે પોતાના કામ પર સારી રીતે ફૉકસ કરી શકે છે. કંપની તરફથી કહેવામાં આવ્યુ છે કે રજાઓ ગાળ્યા બાદ કર્મચારી ફરીથી પોતાના ટાર્ગેટને પૂરો કરવામાં લાગી જાય છે અને સારું પરિણામ આપે છે.