કામ પર મોડું પહોંચવું એ કેટલીક કંપનીઓ માટે એક ડીલ-બ્રેકર છે અને પગારમાં કાપ મૂકવો એ સામાન્ય બાબત છે. પરંતુ શું તમે કર્મચારીને માત્ર 20 મિનિટ મોડા આવવા પર નોકરીમાંથી કાઢી નાખવાની વાત સાંભળી છે?
20 મિનિટ ઓફિસ મોટો પહોંચ્યો કર્મચારી
મોડા આવવા બદલ નોકરીમાંથી કાઢી મુક્યો
7 વર્ષમાં પહેલી વખત મોડો પહોંચ્યો હતો કર્મચારી
કર્મચારીને કાઢી મૂકવાના ઘણા કારણો છે. કેટલાકને નજીવા કામ માટે ફાયર કરવામાં આવે છે. કેટલાકને કંપની દ્વારા 'કોસ્ટ-કટિંગ' માટે કાઢી મુકવામાં આવે છે. તો કેટલીક કંપનીઓ માટે શિસ્ત ખૂબ જ મહત્વપૂર્ણ છે. કામ પર મોડું પહોંચવું એ કેટલીક કંપનીઓ માટે ડીલ-બ્રેકર છે અને પગારમાં કાપ મૂકવો એ સામાન્ય બાબત છે.
20 મિનિટ મોડા આવવા પર નોકરીમાંથી કાઢી મુક્યો
પરંતુ શું તમે કર્મચારીને માત્ર 20 મિનિટ મોડા આવવા પર નોકરીમાંથી કાઢી નાખવાની વાત સાંભળી છે? એક વ્યક્તિ દ્વારા આવો દાવો કરવામાં આવ્યો છે કે તેની કંપનીએ સાત વર્ષથી વધુ સમય પછી પ્રથમ વખત ઓફિસ પર મોડા આવવા બદલ નોકરીમાંથી કાઢી મૂક્યો છે. કાઢી મુકેલા કર્મચારીના એક સહકર્મીએ Reddit પર ઘટનાની જાણ કરી હતી.
સહકર્મીએ ખોલી કંપનીની પોલ
Reddit એન્ટિવર્ક થ્રેડ પર પોસ્ટ અપલોડ કરનાર એક યુઝરે જણાવ્યું હતું કે કર્મચારીને ત્યાં કામ કરતા સાત વર્ષથી વધુ સમય પછી પ્રથમ વખત 20 મિનિટ મોડું થયું હતું. યુઝરે દાવો કર્યો છે કે તેને કાઢી મુકવામાં આવ્યો કારણ કે તે માત્ર 20 મિનિટ મોડો હતો. આ ઘટના ક્યાંની છે તેના વિશે કોઈ માહિતી આપવામાં આવી નથી.
ઓફિસના આખા સ્ટાફે મોડા પહોંચવાનો કર્યો નિર્ણય
વ્યક્તિએ એવો પણ દાવો કર્યો હતો કે જ્યાં સુધી તે વ્યક્તિને પરત લેવામાં ન આવે ત્યાં સુધી હાલના સ્ટાફના સભ્યોએ નિર્ણયનો વિરોધ કરવા માટે મોડુ આવવાનું નક્કી કર્યું હતું. સોશિયલ મીડિયા પર એક પોસ્ટમાં લખ્યું હતું કે, 'આવતીકાલે, હું અને મારા બધા સાથીદારો લેટ ઓફિસ પહોંચીશું અને જ્યાં સુધી તેમને ફરીથી ઓફિસ લાવવામાં નહીં આવે ત્યાં સુધી ઓફિસ મોડા પહોંચીશું.'
રેડિટ પર જણાવી સંપૂર્ણ ઘટના
આખી ઘટના Reddit પર કૅપ્શન સાથે પોસ્ટ કરવામાં આવી હતી. '7+ વર્ષમાં ક્યારેય મોડું ન કરનાર સહ-કર્મચારીને પહેલી વાર મોડા આવવા બદલ નોકરીમાંથી કાઢી મૂકવામાં આવે છે.' Reddit પર શેર કરવામાં આવી ત્યારથી પોસ્ટને 78,000 થી વધુ અપવોટ્સ મળ્યા છે. વધુમાં, તેને યુઝર્સ તરફથી ખૂબ પ્રતિક્રિયાઓ મળી રહી છે. જેમાંથી ઘણાએ કંપનીની કાર્યવાહીની નિંદા કરી.