સરકાર ક્યારે જાગશે! / પહેલા કરી છેડતી પછી દુષ્કર્મ આચરી, ઉતાર્યો વીડિયો, વાયરલ કરવાની ધમકી આપી રેપની વણઝાર સર્જી 

• નોકરીના સ્થળે ઉપરી અધીકારીએ છેડતી કરી આચર્યુ દુષ્કર્મ 
• દુષ્કર્મ આચરી વીડિયો વાયરલ કરવાની આપી ધમકી
• મહીલાએ વાડજ પોલીસસ્ટેશનમાં નોંધાવી ફરિયાદ

છેલ્લા કેટલાક દિવસોથી ગુજરાતમાં રેપની ઘટનાઓ વધી રહી છે. ઘણા નરાધમો બહેન દીકરીઓ સામે નજરો બગાડી રહ્યા છે. અમદાવાદમાં આવો જ એક આંખ ઉઘાડનારો કિસ્સો સામે આવ્યો છે. અમદાવાદ 29 વર્ષીય પરિણીતા પર દુષ્કર્મની વણઝારનો કિસ્સો સામે આવ્યો છે. મહિલાના ઉપરી અધીકારીએ દુષ્કર્મ આચર્યુ હોવાનું સામે આવ્યું છે. 

બ્લેકમેલ કરીને આપતો હતો ધમકી

નોકરીના સ્થળે ઉપરી અધીકારીએ છેડતી કરી હતી અને બાદમાં રેપ પણ કર્યો હતો એટલું જ નહીં પરંતુ આ રેપનો વીડિયો બનાવી પરણિતાને બ્લેકમેલ કરી અલગ અલગ બહાને ઓફિસમાં બોલાવીને વારંવાર દુષ્કર્મ આચર્યુ હતુ. તે દર વખતે વીડિયો બનાવતો એને આ વીડિયો વાયરલ કરવાની ધમકી પણ આપતો. આખરે રોજે રોજની બળજબરીતી કંટાળીને મહિલા વાડજ પોલીસ સ્ટેશન પહોંચી હતી. 

ધોરણ 10ની વિદ્યાર્થીની પર દુષ્કર્મની ઘટના

અમદાવાદના મેઘાણીનગર વિસ્તારમાં સગીરા સાથે દુષ્કર્મ મામલે પોલીસે એક આરોપીની ધરપકડ કરી છે. પોલીસે આરોપી ધ્રુવ જાડેજાની ધરપકડ કરી છે. વર્ષ 2018માં ફરિયાદી સગીરા અને આરોપી આયુષ વચ્ચે મિત્રતા થઈ હતી. ડિસેમ્બર 2018 અને  ઓગષ્ટ 2019માં આરોપી આયુષે સગીરા સાથે દુષ્કર્મ આચર્યુ હતુ. ત્યાર બાદ મિત્રના ઘરે લઈ જઈને આયુષે સગીરા પર દુષ્કર્મ આચર્યુ હતુ. આ દરમિયાન આયુષના મિત્ર ધ્રુવ જાડેજાએ પણ સગીરા પર જબરદસ્તી દુષ્કર્મ આચર્યુ હતુ. ત્યાર બાદ બન્નેએ સગીરાનો વીડિયો ઉતારીને વાયરલ કરવાની ધમકી આપી હતી. આ મામલે સગીરાએ મેઘાણીનગર પોલીસ સ્ટેશનમાં ફરિયાદ કરી છે. પોલીસે આરોપી આયુષ બજરંગે અને ધ્રુવ જાડેજા સામે પોક્સોની ફરિયાદ દાખલ કરીને કાર્યવાહી હાથધરી છે.