બ્રિટનના વડાપ્રધાન બોરિસ જ્હોન્સન પર રાજીનામુ આપવા માટે થઇ રહ્યુ છે દબાણ.ભારતીય મૂળના ઋષિ સુનકનુ નામ વડાપ્રધાનની રેસમાં આગળ
બ્રિટનના વડાપ્રધાન બની શકે છે આ ભારતીય
ભારતીય મૂળના ઋષિ સુનકનુ નામ રેસમાં આગળ
બોરિસ જ્હોન્સ રાજીનામુ આપે તેવી શક્યતા
બ્રિટનમાં બોરિસ જ્હોન્સની એક્ઝિટ બાદ ભારતીય મૂળના ઋષિ સુનક વડાપ્રધાનનું પદ સંભાળી શકે છે. જી હા, જાણીને એમ થાય કે બ્રિટનમાં ભારતીય કેવી રીતે ? પરંતુ ઋષિ સુનક એ બ્રિટનમાં ભારતીય મૂળના નાણામંત્રી છે. બ્રિટનના વડાપ્રધાન બોરિસ જ્હોન્સની પર રાજીનામુ આપવા માટેનુ દબાણ વધી રહ્યુ છે. જેને કારણે જો બોરિસ જ્હોન્સ રાજીનામુ આપે તો વડાપ્રધાન પદ આ ભારતીય લેશે તેવુ બ્રિટનની અગ્રણી સટ્ટાકીય કંપનીએ દાવો કર્યો છે.
બોરિસ જ્હોન્સનનું રાજીનામુ શા માટે
બ્રિટનના વડાપ્રધાન બોરિસ જોન્સનની મુશ્કેલીઓ વધી રહી છે. વર્ષ 2020 માં, કોરોના રોગચાળા દરમિયાન લોકડાઉન લગાવવામાં આવ્યુ હતુ તે સમયે તેઓએ ડાઉનિંગ સ્ટ્રીટના ગાર્ડનમાં પાર્ટી યોજી હતી આ કારણોસર બોરિસ જ્હોન્સન પર રાજીનામા માટે દબાણ કરવામાં આવી રહ્યુ છે. વિપક્ષ જોહ્ન્સનને વડા પ્રધાન પદ છોડવાની માંગ કરી રહ્યો છે. દરમિયાન, યુકેની એક અગ્રણી સટ્ટાકીય કંપની 'બેટફેર'એ દાવો કર્યો છે કે પરેશાન બોરિસ જોનસન ટૂંક સમયમાં વડાપ્રધાન પદ પરથી રાજીનામું આપશે.
અગ્રણી સટ્ટાકીય કંપનીનો શું છે દાવો ?
યુકેની એક અગ્રણી સટ્ટાકીય કંપની 'બેટફેરે જણાવ્યુ હતુ કે 57 વર્ષીય જ્હોન્સન પર માત્ર વિપક્ષનું જ દબાણ નથી. પરંતુ પોતાની પાર્ટી વતી પણ ડાઉનસ્ટ્રીટમાં પાર્ટી કરવા બદલ રાજીનામુ આપવાનુ દબાણ કરવામાં આવી રહ્યુ છે. 19 મે,2020માં બોરિસ જ્હોન્સને વડાપ્રધાન કાર્યાલય ડાઉનિંગ સ્ટ્રીટ ખાતે ડ્રિંક પાર્ટી આયોજીત કરી હતી. 'બેટફેર'ના સેમ રોસબોટમે 'વેલ્સ ઓનલાઈન'ને જણાવ્યું હતું કે જ્હોન્સન જો રાજીનામુ આપે તો વડાપ્રધાનની રેસમાં ઋષિ સુનક વડાપ્રધાન બને તેવી સંભાવના છે. આ પછી લિઝ ટ્રસ (વિદેશ પ્રધાન) અને પછી માઈકલ ગોવ (કેબિનેટ પ્રધાન) રેસમાં છે. જો કે, આ રેસમાં ભૂતપૂર્વ વિદેશ પ્રધાન જેરેમી હન્ટ, ભારતીય મૂળના ગૃહ પ્રધાન પ્રીતિ પટેલ, આરોગ્ય પ્રધાન સાજિદ જાવિદ અને કેબિનેટ પ્રધાન ઓલિવર ડાઉડન પણ સામેલ છે.