બોરિસ જોનસન બ્રિટેનના નવા વડાપ્રધાન બન્યા છે. લંડનના પૂર્વ મેયર અને યૂકેના પૂર્વ વિદેશ મંત્રી બોરિસ જોનસને મંગળવારે કંઝર્વેટિવ પાર્ટીના નેતા ચૂંટવામાં આવ્યા છે. 55 વર્ષના બોરિસ જોનસન બ્રેક્ઝિટના પ્રબળ સમર્થક છે. વર્તમાન વડાપ્રધાન થેરેસા મે રાણી એલિઝાબેથને પોતાનું રાજીનામુ મોકલશે.
બ્રિટનના બોરિસ જોનસન બ્રેક્ઝિટના પ્રબળ સમર્થક છે. અને એમણે ચૂંટણી દરમિયાન પક્ષ માટે મોટુ અભિયાન ચલાવ્યું હતું. ચૂંટણીમાં બોરિસ જોનસનને 92153 (66 ટકા) વોટ મળ્યા. જ્યારે પ્રતિદ્વંદ્વી જેરમી હંટને માત્ર 46,656 વોટ મળ્યા. કંજર્વેટિવ પાર્ટીના કુલ 1,59,320 સભ્યોમાંથી 87.4 ટકાએ વોટ આપ્યા હતા. કંજર્વેટિવ પાર્ટીના નવા નેતા ચૂંટાયા બાદ એમણે 31 ઓક્ટોબર સુધી ઇયૂથી યૂકેના અલગ થવાની (બ્રેક્ઝિટ) પ્રક્રિયાને પૂર્ણ કરવાની પ્રતિબદ્ધતા દર્શાવી છે.
વર્તમાન વડાપ્રધાન થેરેસા મે હવે ક્વીન એલિજાબેથ દ્વિતીયને પોતાનું રાજીનામુ મોકલતા પહેલા હાઉસ ઓફ કોમન્સ (લોકસભા)માં વડાપ્રધાન તરીકે અંતિમ સવાલોનો સામનો કરશે. થેરેસા મેએ ગત મહિને બ્રેક્ઝિટ મુદ્દા પર પાર્ટીમાં વિદ્રોહ બાદ રાજીનામાનું એલાન કર્યું હતું. તે બ્રેક્ઝિટને લઇને યૂરોપીયન સંઘ સાથે થયેલ સમજુતીને બ્રિટિશ સંસદમાં પાસ ન કરાવી શક્યા.
બોરિસ જોનસન એવા સમયે બ્રિટેનની સત્તા સંભાળી રહ્યા છે. જ્યારે બ્રેક્ઝિટને લઇને અનિશ્ચિતતાનો માહોલ છે. એમના સત્તા સંભાળતા પહેલા જ તેમને પાર્ટીમાં વિદ્રોહનો સામનો કરવો પડ્યો છે. ચાન્સેલર ફિલિપ હેમન્ડ સહિત ઘણા મુખ્ય કેબિનેટ મંત્રી પહેલા જ કહી ચૂક્યા છે કે જોનસનના નેતૃત્વમાં કામ કરવા કરતા સારું છે કે અમે રાજીનામુ આપી દઇએ.