નોકરી / BSFમાં નોકરી મેળવવા માટે શાનદાર તક, જાણો એપ્લાય કરવાની સંપૂર્ણ પ્રોસેસ

• BSFમાં નોકરીની સૌથી સારી તક 
• 8 જૂન સુધી કરી શકાશે અરજી 
• જાણો અરજીની સંપૂર્ણ પ્રોસેસ

જો તમે સેનામાં શામેલ થઈને દેશની રક્ષા કરવા માંગો છો તો આ તમારા માટે ખૂબ જ કામની ખબર છે. બોર્ડર સિક્યોરિટી ફોર્સ દ્વારા ઈન્સ્પેક્ટર અને સબ ઈન્સ્પેક્ટર સહિત વિવિધ પદો પર વેકેન્સી બહાર પડી છે. આ ભરતી માટે ઉમેદવાર 8 જૂન સુધી અરજી કરી શકે છે. જ્યારે આ ભરતી માટે અરજી પ્રક્રિયા 25 એપ્રિલથી શરૂ થઈ હતી. ઉમેદવાર બોર્ડર સિક્યોરિટી ફોર્સની ઓફિશ્યલ વેબસાઈટ bsf.gov.in પર જઈને અરજી કરી શકે છે. 

કયા પદ પર કેટલી જગ્યા 

• સબ ઇન્સ્પેક્ટર (વર્ક) - 57 જગ્યાઓ.
• જુનિયર એન્જિનિયર (ઇલેક્ટ્રિકલ) - 32 જગ્યાઓ.
• ઇન્સ્પેક્ટર (આર્કિટેક્ટ) - 01 પોસ્ટ.

શૌક્ષણિક લાયકાત 
ઈન્સ્પેક્ટરના પદ માટે અરજી કરવા માંગતા ઉમેદવારે પાસે આર્કિટેક્ટમાં બેચલર ડિગ્રી હોવી જરૂરી છે. ત્યાં જ સબ ઈન્સ્પેક્ટરના પદ માટે અરજી કરનાર ઉમેદવારની પાસે સિવિલ એન્જિનિયરિંગ ડિપ્લોમા હોવું જરૂરી છે. આ બાજુ જુનિયર એન્જિનિયરના પદ માટે અરજી કરવા માંગતા ઉમેદવારની પાસે ઈલેક્ટ્રિકલ એન્જિનિયરિંગમાં ડિપ્લોમા હોવું જરૂરી છે. 

વય મર્યાદા 
વય મર્યાદા અનુસાર આ ભરતી માટે અરજી કરનાર ઉમેદવારની ઉંમર 30 વર્ષથી વધારે ન હોવી જોઈએ. 

અરજી ફી
સામાન્ય કેટેગરીના ઉમેદવારો, OBC અને EWS જેઓ ભરતી માટે અરજી કરવા માગે છે તેમણે 200 રૂપિયા ફી ચૂકવવાની રહેશે. જ્યારે અન્ય તમામ કેટેગરીના ઉમેદવારોએ કોઈપણ પ્રકારની ફી ભરવાની રહેશે નહીં.

આ રીતે કરો અરજી 

• ઉમેદવારે પહેલા બોર્ડર સિક્યુરિટી ફોર્સની અધિકૃત સાઇટ bsf.gov.in પર જવાનું રહેશે.
• હવે હોમપેજ પર જાઓ અને કરિયર સેક્શન પર જાઓ.
• ત્યાર બાદ સંબંધિત ભરતી નોટિફિકેશન પર ક્લિક કરો. 
• અહીં બધી વિગતો ભરો.
• છેલ્લે એપ્લિકેશન ફી ચૂકવો.