કચ્છ સરહદેથી પાકિસ્તાની ઘુષણખોર મોહમ્મદ અલીને BSFએ ઝડપી પાડ્યો

કચ્છઃ દેશની પશ્ચિમી સરહદે બોર્ડર સિક્યોરીટી ફૉર્સે કચ્છની રણસરહદેથી એક 35 વર્ષિય પાકિસ્તાની યુવકને ઘુસણખોરી કરતાં ઝડપી પાડ્યો છે. આજે વહેલી પરોઢે બીએસએફની બટાલિયન 79ના જવાનોએ તેને વિગોકોટ નજીક બોર્ડર પીલર નંબર 1127 પાસેથી ઝડપી પાડ્યો હતો.

ઝડપાયેલાં શખ્સનું નામ મોહમ્મદ અલી છે અને તે પાકિસ્તાનના સિંધનો રહીશ છે. હાલ તેની સઘન પૂછપરછ ચાલી રહી છે. બીએસએફ દ્વારા ઘુષણખોરની વધુ પૂછપરછ હાથ ધરાઈ છે. લાંબા સમય બાદ ભારતે કચ્છની રણસીમાએથી પાકિસ્તાની ઘુસણખોર ઝડપ્યો છે.

મહત્વનું છે કે થોડા દિવસો પહેલા 3 મે 2016માં કચ્છની સરહદેથી ઘુસણખોરી કરનાર જાવેદ રાણા અને 13 મે 2016નાં રોજ રહીમ બન્ને ઘુસણખોરો આ બનાવમાં ખાવડા કોર્ટે ૧ વર્ષ ૪ મહિનાની કેદ અને પ હજારનો દંડ ફટકાર્યો હતો.