બેદરકારી / અમદાવાદમાં બોપલ-ઘુમા નગરપાલિકાની ઘોર બેદરકારી, બાળ મજૂરી કરાવી નિયમોનું ઉલ્લંઘન કર્યું

અમદાવાદના બોપલ ઘુમા નગરપાલિકાના કચરા ઉઠાવવાના કામમાં કોન્ટ્રાક્ટર દ્વારા બાળ મજૂરી કરાવવામાં આવતી હતી. જેનો અહેવાલ VTVમાં પ્રસારિત કર્યા બાદ અહેવાલની પડઘાં પડ્યા છે. અને તંત્ર દોડતું થઈ ગયું છે. આ મામલે નગરપાલિકાએ તપાસના આદેશ આપ્યા છે. નગરપાલિકાના ચીફ ઓફિસરે જણાવ્યું કે આ મામલે તપાસ કરવામાં આવશે. અને કોન્ટ્રાક્ટર દ્વારા આ પ્રકારનું કાર્ય કરાવવામાં આવતું હશે તો કાર્યવાહી પણ કરવામાં આવશે. મહત્વનું છે કે બોપલ-ઘુમા નગરપાલિકા દ્વારા જે કોન્ટ્રાક્ટ આપવામાં આવ્યો છે. તેમાં કોન્ટ્રાક્ટર દ્વારા ટ્રેક્ટર ચલાવવા માટે સગીરને બેસાડવામાં આવ્યો હતો. 18 વર્ષથી ઓછી વયના સગીર દ્વારા ટ્રેક્ટર ચલાવવામાં આવી રહ્યું હતું. જેની પાસે લાયસન્સ પણ ન હોય. તેવા સગીરને ટ્રેક્ટર ચલાવવાની મંજૂરી આપીને કોન્ટ્રાક્ટરે પણ નિયમોને નેવે મુક્યા હતા. આવા કેસમાં અકસ્માતની ઘટના સર્જાય તો કોણ જવાબદારી. આ સગીરને ટ્રેકટર ચલાવવા માટે 100 રૂપિયા ચૂકવવામાં આવતા હતા.ત્યારે આ મામલે VTVએ અહેવાલ દર્શાવ્યો હતો. અને તંત્રએ આ મામલે હવે કાર્યવાહીના આદેશ આપી દીધા છે.