અમદાવાદ / ગુજરાતમાં બુટલેગરો બેફામ, પોલીસને આપી આ ધમકી...

• વાડજનાં બુટલેગરે પોલીસને ઉડાવી દેવાની ધમકી આપી
• પોલીસે બુટલેગરને દારુ વેચવા અને પીવાનાં કેસમાં પકડ્યો હતો
• બુટલેગરે પોતાની સામે કાર્યવાહી નહી કરવા પોલીસને કહ્યું

પોલીસે બુટલેગરે દારુનાં ગુનામાં પકડ્યો

ગઈ કાલે રાતે વાડજ પોલીસે ઉમેશ બચાની નામનાં સ્થાનિક બુટલેગરને દારુનાં વેચાણ તથા દારુ પીવાનાં ગુનામાં ઝડપ્યો હતો. જેને પગલે વાડજ પોલીસ દ્વારા તેની સામે ફરિયાદ નોંધી તપાસ કરવાની કામગીરી હાથ ધરવામાં આવી હતી. જેને પગલે બુટલેગરે સ્થાનિક પોલીસને ધમકી આપી હતી.

 બુટલેગરે સ્થાનિક પોલીસને ઉડાવી દેવાની ધમકી આપી

નશામાં ધૂત ઉમેશ બચાનીને વાડજ પોલીસે પકડ્યો હતો. જેની ધડપકડ કરી સ્થાનિક સ્ટેશન કાગળ કરી રહી હતી. ત્યારે ઉમેશે પોલીસ સ્ટેશનમાં પોલીસને પિસ્તોલથી ઉડાવી દેવાની ધમકી આપી હતી. જેને પગલે પોલીસે પ્રોહિબિશન ઉપરાંત ધમકી આપવાનો ગુનો નોંધીને કાર્યવાહી હાથ ધરી હતી.

બુટલેગર અને પોલીસ વચ્ચે અગાઉ પણ ઘર્ષણ થયું હતું

ઉમેશ અગાઉ પણ મારા મારી, ધમકી અને દારુનાં ગુનાઓ સાથે સંકળાયેલો છે. અગાઉ પણ પોલીસે તેની સામે દારુને લગતી કાર્યવાહી કરી હતી. જેને પગલે બુટલેગર ઉમેશ અને પોલીસ વચ્ચે ઘર્ષણ થયું હતું.