રાજકોટ / બુટલેગરો સુરેન્દ્રનગરથી રાજકોટ એવી ગાડીમાં દારૂ લઈ જતાં કે કોઈ રોકે જ નહીં, કીમિયો જોઈ પોલીસ ચોંકી

• રાજકોટમાં બૂટલેગરોનો દારૂ ઘુસાડવાનો નવો કીમિયો
• એમ્બ્યુલન્સમાંથી દારૂનો જથ્થો ઝડપાયો 
• પેરોલ ફર્લો સ્કવોડે ત્રણ શખ્સની ઝડપ્યા

રાજકોટમાં બુટલેગરોનો દારૂ ઘુસાડવાનો નવો કીમિયો

રાજકોટમાં અવાર-નવાર દારૂ ઘુસાડવાના કાવતરા રચવામાં આવ છે અને આ કાવતરાને રાજકોટ પોલીસ નિષ્ફળ બનાવતી હોય છે. ત્યારે રાજકોટમાં એક ચોંકાવનારો અજીબો ગરીબ કિસ્સો સામે આવ્યો છે. રાજકોટ શહેર પેરોલ ફર્લો સ્કવોડ દ્વારા એમ્બ્યુલન્સમાં થતી દારૂની હેરાફેરીને ઝડપી પાડવામાં આવી છે. પોલીસે દારૂની 59 બોટલ સાથે એમ્બ્યુલન્સ કાર ચલાવનાર વિજય વાઘેલા, દારૂ મંગાવનાર સુરેશ જીતીયા તેમજ નટુ જીતીયાની ધરપકડ કરી છે. તેમજ દારૂ મોકલનાર સુરેન્દ્રનગરના ચાપરાજ કાઠીની શોધખોળ શરૂ કરી છે.

સદભાવના હોસ્પિટલની એમ્બ્યુલન્સમાંથી દારુનો જથ્થો ઝડપાયો 

આ અંગે પોલીસ સુત્રોના જણાવ્યા અનુસાર રાજકોટ પરોલ ફર્લો ટીમને બાતમી મળી હતી કે, સદભાવના હોસ્પિટલની એમ્બ્યુલન્સમાં દારૂની હેરાફેરી થઈ રહી છે. જે ચોક્કસ બાતમીના આધારે વોચ ગોઠવતા સદભાવના હોસ્પિટલની એમ્બ્યુલન્સ સોખડા ચોકડી પાસે પસાર થઈ રહી હતી. તે સમયે તેને અટાકાવી એમ્બ્યુલન્સની તલાશી લેતાં તેમાંથી 59 દારૂની બોટલો મળી આવી છે. 

દારૂ મોકલનાર સુરેન્દ્રનગરના ચાપરાજ કાઠીની ધરપકડ

જેથી પોલીસે  એમ્બ્યુલન્સ ચાલક વિજય વાઘેલાની ધરપકડ કરવામાં આવી છે. તેમજ દારૂ મંગાવનાર સુરેશ જીતીયા તેમજ  નટુ જીતીયાની પણ ધરપકડ કરવામાં આવી છે. પોલીસે આરોપીઓની પૂછપરછમાં જાણવા મળ્યું હતું કે, આ દારૂનો જથ્થો સુરેન્દ્રનગરના ચાપરાજ કાઠી દ્વારા મોકલાવવામાં આવ્યો હતો. પોલીસે બાદમાં ચાપરાજ કાઠીની શોધખોળ કરી તેની પણ ધરપકડ કરવામાં આવી છે.