આરોપ / બુટલેગર દાદો બની ગયો તોય પોલીસે ન કરી કાર્યવાહી, મહિલાને સરેઆમ માર્યો ગડદાપાટાનો માર, સુરતના રાંદેરનો કિસ્સો

• સુરતના રાંદેર વિસ્તારમાં બુટલેગર બન્યો બેફામ
• બુટલેગર પ્રવીણ રાણાએ માર માર્યાનો મહિલાનો આરોપ 
• બુટલેગરની પત્ની સાથે મહિલાની માથાકૂટ થઈ હતી

રાજ્યના જુદા જુદા શહેરોમાં બુટલેગરો બેફામ બનતા હોવાના અનેક કિસ્સાઓ સામે આવી રહ્યા છે. તેવામાં સુરતના રાંદેર વિસ્તારમાં પણ બુટલેગર બેફામ બન્યો હોવાનો કિસ્સો પ્રકાસમાં આવ્યો છે. જેમાં ખાંડા કુવા ખાતે બુટલેગરે મહિલાને માર માર્યો હતો. બુટલેગરની પત્ની સાથે મહિલાને  માથાકૂટ થઈ હતી. ત્યારબાદ બુટલેગર પ્રવીણ રાણાએ મહિલાને બેફામ માર માર્યો હોવાના આરોપ લાગી રહ્યા છે. એટલું જ નહીં રાંદેર પોલીસ સ્ટેશનમાં અરજી કરી હોવા છતાં પોલીસ પણ કાર્યવાહી કરતી ન હોવાના ચોંકાવનારા આક્ષેપ થઈ રહ્યા છે.જેને પગલે કંટાળી ગયેલી પીડિત મહિલાએ પોલીસ કમિશનર કચેરીએ રજૂઆત કરી હોવાનું બહાર આવ્યું છે.

વિજિલન્સ ટીમ પર બુટલેગર ભીખુ પરમારે ગાડી ચડાવવાનો પ્રયાસ પણ કર્યો હતો

બુટલેગર બેફામ બન્યો હોવાનો આવો જ એક કિસ્સો દાહોદના દેવગઢ બારીયામાં સામે આવ્યો હતો. જેમાં SMC ટિમ પર હુમલો કરાયો હતો. દાહોદના ધાનપુરના પાંચીયાશાળ ગામની બોર્ડર પર વિજિલન્સની ટીમ પર હુમલો થયો હતો. વિજિલન્સ ટીમ પર બુટલેગર ભીખુ પરમારે ગાડી ચડાવવાનો પ્રયાસ કરી અને વિજિલન્સની ટીમ પર ફાયરિંગ પણ કર્યું હતું.જેના વળતા જવાબમાં પોલીસે પણ ચાર રાઉન્ડ ફાયરિંગ કર્યું હતું.

બુટલેગરે SMCની ટીમ પર હુમલો કર્યો

SMC ટીમના દરોડા દરમિયાન સામ-સામે ફાયરિંગ થયું હતું. પાંચીયાશાળ ગામે દારૂની રેડ કરવા માટે વિજિલન્સની ટીમ પહોંચી હતી જે દરમિયાન બુટલેગરે SMCની ટીમ પર હુમલો કર્યો હતો. ઘટનાની જાણ થતાં પોલીસ ઘટના સ્થળે પહોંચી વધુ કાર્યવાહી હાથધરી છે.

રાજકોટના ભગવતીપરાના પુલ નીચે યુવકની હત્યાનો પ્રયાસ

વધુમાં ગઈકાલે રાજકોટના ભગવતીપરાના પુલ નીચે યુવકની હત્યાનો પ્રયાસ થયો હતો.દારૂ બાબતે થયેલી બબાલમાં યુવક પર જીવલેણ હુમલો કરાયો હતો. જેમાં શખ્સો ધારદાર હથિયાર સાથે તૂટી પડ્યા હતા જેને પગલે 2 યુવકોને ગંભીર ઇજા થવા પામી હતી.