ભારે કરી ! / બુટલેગરે પોલીસ બનીને રેડ પાડતા વડોદરામાં નાસભાગ: નદીમાં કૂદી ગયા 3 જુગારી, એકનું મોત

• વડોદરાના નકલી પોલીસ બન્યો બુટલેગરે
• ઉદલપુર ખાતેની ક્વોરી પાછળની માઈન્સમાં ચાલતો હતો જુગાર 
• બુટલેગર નવઘણ ભરવાડે ખોટી રેડ પાડતાં ત્રણ જુગારી ભાગ્યા 
   

બોટાદ લઠ્ઠાકાંડ બાદ પોલીસ દ્વારા બુટલેગરોને ઝડપી પાડવા સજાગ રીતે કાર્યવાહી કરવામાં આવી રહી છે. ઠેક ઠેકાણે ધમધમી રહેલા દારૂના અડ્ડા પર તવાઇ બોલાવવામાં આવે છે.  દેશી દારૂના અડ્ડા હોય કે નકલી વિદેશી દારૂની ફેક્ટરી. પોલીસ ખૂણે ખૂણેથી બુટલેગરોને ઝડપી રહી છે. અમદાવાદ, સુરત, વડોદરા સહિત મહાનગરોમાં પણ પોલીસ દ્વારા ઠેરઠેર રેડ પાડવામાં આવી રહી છે. ત્યારે વડોદરાના ડેસરમાં બુટેલગર એવુ કરવા ગયો કે તેની ચાલ તેની પર જ ભારે પડી. 

બુટલેગરે નકલી પોલીસ બનીને રેડ પાડી

વડોદરાના ડેસરમાં બુટલેગરે નકલી પોલીસ બનવુ ભારે પડ્યુ. બુટલેગરે નકલી પોલીસ બનીને જુગારધામ પર દરોડો. જુગારીઓ આ બુટલેગરને સાચો સમજી બેઠા અને ભયના માર્યા પોલીસથી બચવા માટે  ત્રણ જુગારી ફૂણુ નદીની ખીણમાં કુદી પડ્યા. જેમાં અયાન મહમદ મકરાણીનું ઊંડા પાણીમાં ગરકાવ થવાથી મૃત્યુ થયું છે. ઘટનાની જાણ થતાં પોલીસ ઘટના સ્થળે પહોંચી હતી અને નકલી પોલીસ બની બેઠેલા બુટલેગર નવઘણ ભરવાડની ધરપકડ કરી હતી. 

15-20 લોકો જુગાર રમતા હતા-સરપંચ, વચ્છેસર

વચ્છેસર ગ્રામ પંચાયતના સરપંચે જણાવ્યું કે 7 તારીખના રોજ ઉદલપુરમાં ડામર પ્લાન્ટની બાજુમાં 15-20 લોકો જુગાર રમતા હતા. જે દરમિયાન બાઇક લઇને રેડ પાડવા આવ્યા. જુગારો પોલીસથી બચવા ભાગ્યા 3 લોકો ખીણમાં પડ્યા જ્યારે અન્ય લોકો નાસી ગયા. સવારે 10.30 કલાકે અયાન મહમદ મકરાણીના મૃતદેહને બહાર કઢાયો.  

પોલીસ એક્શનમાં 

તો આ તરફ પીસીબી દ્વારા વિવિધ શહેરોમાં રેડ પાડવામાં આવી રહી છે. ત્યારે આજે અમદાવાદના નારણપુરામાંથી વિદેશી દારૂના જથ્થા સાથે એક શખ્સની ધરપકડ કરી છે જ્યારે માસ્ટરમાઇન્ડને શોધવા માટે તપાસના ચક્રોગતિમાન કર્યા છે. તો ગઇકાલે ત્યારે અમદાવાદ SOGની ટીમે વટવા GIDCમાં દારૂના અડ્ડા પર રેડ પાડી હતી. SOGએ આ રેડ બુટલેગર અજયસિંહના અડ્ડા પર પાડી હતી. આ દરિયાન વિદેશી દારૂની 5 પેટી જપ્ત કરવામાં આવી હતી. આ દરમિયાન વટવા GIDCના PSI એમ.એલ.વાઘેલા અને SOG PSI વચ્ચે મારામારી થઇ હતી. જેથી GIDC પોલીસ લઠ્ઠાકાંડ બાદ પણ બુટલેગરને છાવરતાની ચર્ચા શરૂ થઇ હતી.