અમદાવાદમાં બુટલેગરો બેફામ બન્યા છે તેમને ન તો પોલીસનો ડર છે ન કોઈનો ભય. પોલીસને દારૂ વિશે બાતમી આપી છે તો ખેર નથી એમ કહીને અમદાવાદના RTI એક્ટિવિસ્ચ ઉપર હૂમલો કરવામાં આવતા પોલીસ સહિત બુટલેગર તંત્રના તાણાવાણાનો વિવાદ એકવાર ફરી શરૂ થયો છે.
અમદાવાદ નિકોલમાં RTI એક્ટિવિસ્ટ પર હુમલો
અજાણ્યા શખ્સોએ કર્યો હુમલો.
દારૂની બાતમી આપવાના નામે ધમકી આપી હુમલો
અમદાવાદના નિકોલમાં રહેતા એક RTI એક્ટિવિસ્ટ પર હુમલો થયો છે. દારૂની બાતમી આપવાના નામે ધમકી આપીને હુમલો કરાયો છે. અજાણ્યા શખ્સોએ એક RTI એક્ટિવિસ્ટ પર હુમલો કરતા પોલીસતંત્ર દોડતુ થઈ ગયુ છે.
અમદાવાદના RTI એક્ટિવિસ્ટ ભાવિક શાહ ઉપર હિંસક હૂમલો કરવામાં આવ્યો છે. ભાવિક શાહ ઉપર અજાણ્યા શખ્સોએ દારૂની બાતમી આપી તો જાનથી મારી નાંખીશું એમ કહીને હૂમલો કર્યો. ત્યારે પ્રશ્ન એ થાય કે આ બાતમીદાર પર હૂમલો કેમ કરવામાં આવ્યો? શું પોલીસમાંથી જ કોઈએ બુટલેગરોને બાતમી આપી હશે કે, આ બાતમીદાર તેમના સુધી એક્ટિવિસ્ટની માહિતી મોકલાવે છે.
પોલીસે ગુનો નોંધીને હાથ ધરી તપાસ
હૂમલો કરનારા અજાણ્યા શખ્સો સામે ગુનો નોંધીને પોલીસે આ હિંસક હૂમલા વિશે તપાસ શરૂ કરી છે
સળગતા સવાલ
પોલીસને બાતમી આપ્યા બાદ કોણ માહિતી લીક કરે છે?
બાતમી આપનારની વિગત બુટલેગર પાસે કેવી રીતે પહોંચે છે?