રાજયભરમાં દારૂ બંધીને લઈને મોટી મોટી વાતો કરવામાં આવી રહી છે. ત્યારે આ વાતો અહિંયા પોકળ સાબિત થઈ રહી છે. રાજકોટમાં દારૂના નશામાં બુટલેગરનો વીડિયો સોશિયલ મીડિયામાં વાયરલ થઈ રહ્યો છે. નશામાં પોલીસ કોન્સ્ટેબલ પર ગંભીર આક્ષેપો થઈ રહ્યો છે. ત્રણ પોલીસ કોન્સ્ટેબલ હપ્તો ઉઘરાવતા હોવાનો દાવો થઈ રહ્યો છે. સમગ્ર વીડિયોને લઇ પોલીસે બુટલેગર પ્રતિક ચૌહાણની ધરપકડ કરીને વધુ તપાસ કરી રહી છે.
ત્રણ પોલીસ કર્મી પર આરોપ
પ્રાપ્ત વિગતો મુજબ મોટી બજારમાં રહેતો અને અનેક વખત પોલીસ ચોપડે ચડી ચૂકેલ પ્રતિક ચૌહાણ દ્વારા દારૂના ચિક્કાર નશામાં શક્તિભાઈ, વાઘજીભાઈ અને મહેન્દ્રભાઈ વાળા દારૂ વેચવા માટે હપ્તો, કપડાં, બુટ વગેરે ઉઘરાવતા હોવાનાં આક્ષેપ સાથેનો વિડીયો વાયરલ કરવામાં આવતા કિસ્સો ટોક ઓફ ધ ટાઉન બન્યો હતો.
વીડિયોમાં શું બોલી રહ્યો છે બુટલેગર
જેમાં દારૂના નશામાં ધૂત બુટલેગરે ત્રણ પોલીસ કોન્સ્ટેબલને સંબોધીને કહ્યું છે કે તારે દારૂ વેચવાનો થતો નથી, તો જે લોકો દારૂ વહેંચે છે તે તમારા બનેવી થાય છે તો તમને બચાવેશે? હું દારૂ વેચીશ જ રજા વાળો હોય કે રજા વગરનો, તમારા લોકોનો ખોળો ભરાવી નાખીશ તેવી અંતમાં ધમકી આપતા સીટી પોલીસે વાયરલ વીડિયોના પગલે પ્રતીક ચૌહાણની ધરપકડ કરી જેલભેગો કરવામાં આવ્યો છે.