કેન્દ્રીય કર્મચારીઓને ટૂંક સમયમાં મોટી ખુશખબર મળી શકે છે. કર્મચારીઓના રિટાયરમેંટની ઉંમર અને પેન્શનની રકમ વધારવા પર કેન્દ્ર સરકાર વિચાર કરી રહી છે.
કેન્દ્રીય કર્મચારીઓને મળશે ખુશખબર
રિટાયરમેંટની ઉંમર અને પેન્શનની રકમ વધી શકે છે
આર્થિક સલાહકાર સમિતિએ કરી છે ભલામણ
કેન્દ્રીય કર્મચારીઓને ટૂંક સમયમાં મોટી ખુશખબર મળી શકે છે. કર્મચારીઓના રિટાયરમેંટની ઉંમર અને પેન્શનની રકમ વધારવા પર કેન્દ્ર સરકાર વિચાર કરી રહી છે. પ્રધાનમંત્રીની આર્થિક સલાહકાર સમિતિ તરફથી સરકારને આ પ્રસ્તાવ મોકલવામાં આવ્યા છે. આ પ્રસ્તાવમાં દેશમાં લોકોની કામ કરવાની ઉંમર મર્યાદા વધારવાની વાત કરી છે. પીએમની આર્થિક સલાહકાર સમિતિએ કહ્યું છે કે, દેશમાં રિટાયરમેંટની ઉમરની સાથે સાથે યુનિવર્સલ પેન્શન સિસ્ટમ પણ શરૂ થવી જોઈએ.
સીનિયર સિટીઝનની સુરક્ષા
સમિતિના રિપોર્ટ્સ અનુસાર આ ભલામણ અંતર્ગત કર્મચારીઓને દર મહિને ઓછામાં ઓછા 2000 રૂપિયાનું પેન્શન આપવું જોઈએ. આપને જણાવી દઈએ કે, આર્થિક સલાહકાર સમિતિએ દેશના સિનિયર સિટીઝનની સુરક્ષા માટે વધારે સારી વ્યવસ્થા કરવાની ભલામણ કરી છે.
સ્કિલ ડેવલપમેંટ છે જરૂરી
રિપોર્ટમાં કહેવાયુ છે કે, જો કામકાજી ઉંમરની વસ્તીને વધારવી છે, તો તેના માટે સેવાનિવૃતિની ઉંમર વધારવાની ખાસ જરૂર છે. સામાજિક સુરક્ષા સિસ્ટમ પર પ્રેશરને ઘટાડવા માટે આવું કરી શકાય છે. રિપોર્ટમાં 50 વર્ષથી ઉપરના વ્યક્તિઓ માટે સ્કિલ ડેવલપમેંટની વાત કહેવામાં આવી છે.
સરકારે બનાવી નીતિ
રિપોર્ટમાં કહેવામાં આવ્યું છે કે, કેન્દ્ર અને રાજ્ય સરકારોએ આવી નીતિઓ બનાવવી જોઈએ, જેનાથી કૌશલ વિકાસ કરી શકાય છે. આ પ્રયાસમાં અસંગઠિત ક્ષએત્ર, અંતરિયાળ વિસ્તારમાં રહેતા લોકો, રેફ્યુજી, પ્રવાસીઓનો પણ સામેલ કરવા જોઈએ, જેની પાસે ટ્રેનિંગ પ્રાપ્ત કરવાના સાધન નથી, પણ તેમનું ટ્રેંડ થવું જરૂરી છે.