ઐતિહાસિક / બદલાઈ રહ્યો છે દેશ : ભારતીય આર્મીના ઈતિહાસમાં પ્રથમ વખત બન્યું આવું

• ભારતીય સેનાએ 5 મહિલા અધિકારીઓની કર્નલના પદ માટે કરી નિમણુંક
• 26 વર્ષ પૂર્ણ કર્યા બાદ મહિલા અધિકારીઓ કર્નલ રેન્ક પર થઈ આસીન
• કર્નલ પદ માટે આ 5 મહિલા અધિકારીઓની કરાઈ પસંદગી

મહિલા અધિકારીઓનો કર્નલ રેન્ક પર આસિન થવાનો માર્ગ મોકળો

ભારતીય સેનાએ કહ્યું કે, સેનાના એક પસંદગી બોર્ડે સારી સેવાના 26 વર્ષ પૂર્ણ કર્યા બાદ પાંચ મહિલા અધિકારીઓને કર્નલ રેન્ક પર આસિન થવાનો માર્ગ મોકળો કરી આપ્યો છે. સેનાએ એક નિવેદનમાં કહ્યું છે કે આ પ્રથમ વખત છે કે કોર ઓફ સિગ્નલ, કોર ઓફ ઈલેક્ટ્રોનિક એન્ડ મિકેનિકલ એન્જિનિયર (ઈએમઈ) અને કોર ઓફ એન્જિનિયરની સાથે કામ કરતી મહિલા અધિકારીઓને કર્નલના પદ પર મંજૂરી આપવામાં આવી છે.

મહિલા અધિકારીઓ માટે કારકિર્દીના વધતા અવસરોનો સંકેત

ભારતીય સેનાએ કહ્યું કે, પહેલાં કર્નલના પદ પર ઉન્નતિ માટે ફક્ત સેના ચિકિત્સા કોર (AMC), જજ એડવોકેટ જનરલ અને સેના શિક્ષણ કોરમાં મહિલા અધિકારીઓ માટે લાગુ હતી. ભારતીય સેનાની વધુ શાખાઓમાં વિકાસ માટેનો વિસ્તાર મહિલા અધિકારીઓ માટે કારકિર્દીના વધી રહેલા અવસરોનો સંકેત છે. સેનાની મહત્વની શાખાઓમાંથી મહિલા અધિકારીઓને કાયમી કમિશન આપવાના નિર્ણયની સાથે આ પગલું એક જેન્ડર ન્યુટ્રલ આર્મી પ્રત્યે ભારતીય સેનાના દ્રષ્ટિકોણને જાહેર કરે છે.

આ અધિકારીઓને કરાયા પસંદ

કર્નલ પદ પર ટાઈમ સ્કેલ રેન્ક માટે પંસદ કરવામાં આવેલી પાંચ મહિલા અધિકારીઓમાં કોર ઓફ સિગ્નલથી લેફ્ટિનેન્ટ કર્નલ સંગીતા સરદાના, ઈમેઈ કોરથી લેફ્ટિનેન્ટ કર્નલ સોનિયા આનંદ અને લેફ્ટિનેન્ટ કર્નલ નવનીત દુગ્ગલ અને કોર ઓફ એન્જિનિયરથી લેફ્ટિનેન્ટ કર્નલ રીનુ ખન્ના અને લેફ્ટિનેન્ટ કર્નલ રીચા સાગર છે.