પાછલા એક મહિનાના સમયગાળા દરમિયાન મજબૂત રૂપિયાના કારણે ઘર આંગણાના બજારમાં સોનાના ભાવમાં 5.76%નો ઘટાડો નોંધાયો હતો જેના કારણે ગ્રાહકોને આ કીમતી ધાતુની ખરીદીમાં રસ પડવા લાગ્યો છે. જ્વેલર્સ કહે છે કે, રિટેલ કન્ઝ્યુમર્સે અક્ષય તૃતીયા માટેના ઓર્ડર આપવાની શરૂઆત કરી દીધી છે, જે આગામી 7 મેના રોજ છે. જેથી તેઓ નીચી કિંમત પર સોનાની ખરીદી કરી શકે. તેઓ કહે છે કે, જાન્યુઆરી અને ફેબ્રુઆરી 2 મહિના પછી માંગ નીકળી છે.
મંગળવારે સોનાનો ભાવ 10 ગ્રામ દીઠ ₹31,900ની આસપાસ હતો. એક મહિના અગાઉ આ પીળી ધાતુની કિંમત 10 ગ્રામ દીઠ 33850 રૂપિયા હતી. ભાવમાં ઘટાડાના કારણે માંગમાં સુધારો થયો છે. ત્યારે બુલિયન ડિલર્સ સોના પર દરેક ઐશ દીઠ 1.5 ડોલરનું પ્રીમિયમ માંગી રહ્યા છે. ઓલ ઇન્ડિયા જેમ એન્ડ જ્વેલરીના ભૂતપૂર્વ ચેરમેને જણાવ્યુ કે, આંતરરાષ્ટ્રીય બજારમાં સોનાનો ભાવ કેટલાક સપ્તાહ અગાઉની સરખામણીએ થોડો વધારે હતો પરંતુ મજબૂત રૂપિયાએ ભારતમાં સોનીની કિંમત પાછળ રાખી રહ્યા છે. જોકે, અમને જાન્યુઆરી તથા ફેબ્રુઆરીમાં સારા બિઝનેસની અપેક્ષા હતી પરંતુ બજારનું સેન્ટિમેન્ટ વધારે પોઝિટિવ ન હતું.સોમવારે ભારતીય રૂપિયો અમેરિકન ડોલર સામે 68.53 બંધ હતો, જે ઓગસ્ટ 2018ની શરૂઆત પછીની સૌથી ઊંચી સપાટી છે.
મંગળવારે બપોરે 3.30ની આસપાસ રૂપિયો ડોલર સામે 68.93ની આસપાસ ટ્રેડિંગ થતો હતો. આંતરરાષ્ટ્રીય બજારમાં હાજર સોનું 0.3 % સુધરીને દરેક ઔંશ દીઠ 1,307.12 ડોલર હતું કેમ કે આગલા સેશનમાં ડોલર બે સપ્તાહની નીચે પર હતો. યુએસ ગોલ્ડ ફ્યૂચર્સ 0.4 % સુધરીને 1,306.70 ડોલર નોંધાયું હતું .
ઇન્ડિયા બુલિયન એન્ડ જ્વેલર્સ એસોસિયેશનના નેશનલ સેક્રેટરીએ જણાવ્યુ કે, ભાવમાં ઘટાડો થયો તે આગામી 6 એપ્રિલથી શરૂ થતા તહેવારોની સિઝન માટે ઘણુ સકારાત્મક છે. જ્યારે મરાઠી હિન્દુઓ માટે ગુડી પડવાનો તહેવાર છે. મરાઠી હિન્દુઓ માટે પરંપરાગત રીતે નવા વર્ષની શરૂઆત છે. તેમણે ઉમેર્યુ કે, તેના પછી લગ્નની સિઝનનો આરંભ થાય છે.