ઓફર / ફક્ત 3.5 લાખમાં મળશે તમારા સપનાનું ઘર, 19 શહેરોમાં થઇ રહ્યું છે બુકીંગ 

આ યોજનામાં સમય સમય ઉપર રાજ્યોમાં ઘરના બુકીંગની પ્રક્રિયા કરાવવામાં આવતી હતી.

 આ અંતર્ગત ઉત્તર પ્રદેશ હાઉસિંગ ડેવલપમેન્ટ કાઉન્સિલે 1 સપ્ટેમ્બરથી રાજ્યના 19 શહેરોમાં 3516 પ્રધાનમંત્રી આવાસ યોજનાના મકાનો માટે બુકિંગ ચાલુ કર્યા છે. બુકિંગ માટેની ઓનલાઇન અરજી 15 ઓક્ટોબર સુધી કરી શકાય છે.

આ શહેરોમાં મળી રહ્યા છે ઘરો

યુપીની રાજધાની લખનૌમાં 816 ઘરોની બુકિંગ થશે. આ ઉપરાંત ગાઝિયાબાદમાં 624, મેરઠમાં 480, ગોંડામાં 396 મકાનોનું બુકીંગ કરાશે. તે જ સમયે, મૈનપુરી, ફતેહપુર, હરદોઇ, રાયબરેલી અને મેરઠમાં 96 ઘરો માટે બુકીંગ કરાશે. કાનપુર દેહાત, કન્નૌજ, ઉન્નાવ, બહરાઇચ, મઉ, બલરામપુર, અને બારાબંકીનો પણ આ સૂચિમાં સમાવેશ કરવામાં આવ્યો છે.

કોણ આ મકાનો ખરીદી શકશે?

તમને જણાવી દઈએ કે આ યોજના અંતર્ગત ગરીબો ફક્ત 3.50 લાખ રૂપિયામાં મકાનો ખરીદી શકશે. આ બુકિંગ અંતર્ગત ફક્ત તેમને જ મકાન મળશે, જેમની વાર્ષિક આવક રૂપિયા 3 લાખથી ઓછી છે. તેમણે આ રકમ 3 વર્ષમાં પરત આપવી પડશે. ઘરની સાઈઝ વિશે વાત કરીએ તો કાર્પેટ એરિયા 22.22 ચોરસ મીટર છે અને સુપર એરિયા 34.07 ચોરસ મીટર છે.

શું છે પ્રક્રિયા 

1. સૌ પ્રથમ વેબસાઇટ https://pmaymis.gov.in/ પર લોગ ઇન કરો.
2. જો તમે લોઅર ઇન્કમ ગ્રુપ, મિડલ ઇન્કમ ગ્રુપ અને આર્થિક રીતે નબળા વર્ગમાં આવો છો તો અન્ય 3 કમ્પોનેન્ટ પર ક્લિક કરો.
3. આમ કર્યા બાદ આધાર કાર્ડ સહિતની જાણકારી ભર્યા બાદ રજીસ્ટ્રેશન પ્રક્રિયા પૂર્ણ થશે.
4. એપ્લિકેશન ફીઝની વાત કરવામાં આવે તો તે 100 રૂપિયા છે અને બેન્કમાં 5000 રૂપિયા જમા કરાવવા જરૂરી છે.