મલાઇકા અરોરા હાલના દિવસોમાં અર્જૂન કપૂરને ડેટ કરવાના કારણે ચર્ચામાં છે. ઘણી વખત આ કપલને લંચ-ડિનર અને પાર્ટીઝમાં એકસાથે સ્પોર્ટ કરવામાં આવ્યુ છે, જોકે અર્જૂન કપૂર અને મલાઇકા અરોરાએ પોતાના રિલેશનશિપને લઇને ચૂપ્પી સાધી છે. અર્જૂન સાથે લગ્નની ચર્ચાની વચ્ચે મલાઇકાએ સોશ્યલ મીડિયા પર પોતાની ફોટોઝ શૅર કરી છે, જેમાં તેને સોશ્યલ મીડિયા યૂઝર્સ ટ્રોલ કરી રહ્યા છે. ખાસ વાત એમ છે કે, મલાઇકાની પોસ્ટ પર બોની કપૂર (અર્જૂન કપૂરના પિતા)એ ગુસ્સો વ્યકત કર્યો છે.'
A post shared by Malaika Arora (@malaikaaroraofficial) on
તાજેતરમાં મલાઇકાએ પોતાના ઑફિશ્યલ સોશ્યલ મીડિયા એકાઉન્ટ ઇન્સ્ટાગ્રામ પર યેલો કલરના ગાઉનમાં એક ફોટો શૅર કર્યો છે. રિપોર્ટ્સ અનુસાર, કોઇ એવોર્ડ ફંક્શન પહેલા મલાઇકાએ ફોટોશૂટ કરાવ્યુ છે. આ ફોટોઝ જોયા પછી યૂઝર્સ પોતાના રિએક્શન આપી રહ્યા છે. @BoneyKapoorofficial ઇન્સ્ટા હેન્ડલ પરથી લખવામાં આવ્યુ છે કે, 'હું મારી મિલકતમાંથી કોઇ હિસ્સો અર્જૂનને નહી આપુ.' તો અન્ય યૂઝરે કહ્યુ કે, 'બોની અંકલ આન્ટીને રૂપિયા ના આપતા તેની પાસે ઘણા છે' તો બીજા એક યૂઝરે લખ્યુ કે, 'અર્જૂન ભાઇ ભાભી શું લાગી રહી છે, એકદમ ઝક્કાસ'. તમને જણાવી દઇએ કે, આ બોની કપૂરનો ઑફિશ્યલ ઇન્સ્ટાગ્રામ એકાઉન્ટ નથી, આ કોઇ ફેનનું એકાઉન્ટ છે.
મીડિયા રિપોર્ટ્સ અનુસાર, મલાઇકા અરોરા અને અર્જૂન કપૂરના રિલેશનશિપથી બોની કપૂરની સાથે સલમાન ખાન પણ ખુશ નથી. આ સિવાય અર્જૂનની કઝિન બહેન સોનમ કપૂર પણ આ સંબંધને લઇને ખુશ નથી. કહેવાઇ રહ્યુ છે કે , સલમાન ખાનને કારણે જ અર્જૂન અને મલાઇકા પોતાનો સંબંધ છુપાવી રહ્યા છે. જોકે આ સિવાય તેવી પણ ચર્ચા છે કે આ વર્ષમાં અર્જૂન-મલાઇકા લગ્ન કરી શકે છે.