યૌન શોષણના કેસમાં બોમ્બે હાઈકોર્ટે એક મહત્વનો ચુકાદો આપ્યો હતો.
બોમ્બે હાઈકોર્ટે એક મહત્વનો ચુકાદો આપ્યો
યૌન શોષણના કેસમાં થઈ હતી સુનાવણી
બાળકીને ખોરી દાનતથી ટચ કરવા બદલ મળી હતી પાંચ વર્ષની સજા
યૌન ઈચ્છાથી નાના બાળકોના પ્રાઈવેટ પાર્ટ્સને ટચ કરવું ગુનો છે. આ મહત્વનો ચુકાદો બોમ્બે હાઈકોર્ટે આપ્યો છે. કોઈ ઘા ન હોવા પર કારણ વગર સ્પર્શ કરવું પણ ગુનો માનવામાં આવશે. મુંબઈ હાઈકોર્ટે પોક્સો કાયદા અંતર્ગત યૌન શોષણનો મામલો ઠેરવ્યો છે. કોર્ટે આ મામલામાં પોક્સો કાયદાની કલમ 7નો હવાલો આપ્યો હતો. કોર્ટે સ્પષ્ટ કહ્યું કે, જો બાળકને કોઈ રીતે કોઈ ઘા અથવા ઈજા થઈ ન હોય તો કારણ વગર યૌનેચ્છાથી કોઈ તેના પ્રાઈવેટ પાર્ટ્સને ટચ કરે છે, તો તે પોક્સો અંતર્ગત ગુનો બને છે.
વર્ષ 2013માં આરોપીએ એક સગીર બાળકીના શરીરને ખોટી રીતે ટચ કર્યું હતું. આ હરકત માટે 2017માં પાંચ વર્ષની સજા સંભળાવી હતી. આ સજાના વિરોધમાં આરોપીએ બોમ્બે હાઈકોર્ટમાં અરજી દાખલ કરી હતી. કોર્ટે આ અરજીને નામંજૂરી કરી હતી.
છોકરી અને તેની માતાના સ્ટેટમેંટના આધારે ચુકાદો
ન્યાયમૂુર્તિ સારંગ કોતવાલની સામે આ અરજી સુનાવણી થઈ હતી. કોર્ટે આરોપીને દોષિ ઠેરવવાના નિર્ણયને યોગ્ય ઠેરવ્યો અને સજા વિરુદ્ધ દાખલ કરવામા આવેલી અરજીને નામંજૂર કરી હતી. આવી રીતે મુંબઈ હાઈકોર્ટ દ્વારા અરજીકર્તાની સજાને યથાવત રાખી હતી. આરોપીએ દાવો કર્યો હતો કે, છોકરીના પિતાએ આંતરિક ડખ્ખાના કારણે તેના પર ખોટો આરોપ લગાવ્યો છે. પણ આરોપીના આ દાવાને કોર્ટે નામંજૂર કર્યો હતો. કોર્ટે છોકરી અને તેની માતાના જવાબના આધાર પર ચુકાદો આપ્યો હતો.
ખોરી દાનત હોય તો, પીડિતાએ સાબિતી આપવાની જરૂર નથી
કોર્ટે પોતાના ચુકાદામાં એક મહત્વની દલીલ આપી હતી કે, પીડિતાને પોતાની સાથે થયેલ યૌન શોષણ માટે કોઈ પણ પ્રકારના ઘા કે ઈજા બતાવીને અથવા સાબિત કરવાની જરૂર નથી. જો કોઈ ઈજા નથી અને યૌન ઈચ્છાથી ખોરી દાનતથી આવું કરવામાં આવ્યું છે, ત્યારે પણ પોક્સોની કલમ 7 અંતર્ગત ગુનાો માનવામાં આવશે. તેના માટે પીડિતાએ એ સાબિત કરવાની જરૂર નથી કે, તેના શરીરના કોઈ ભાગે જખમ થયો છે કે નહીં. બોમ્બે હાઈકોર્ટે આ ચુકાદો આપતા સ્પષ્ટ કર્યું છે કે, ખાસ કરીને આવી રીતના ગુનામાં ઈરાદો જોયો મહત્વનો છે.