એક વકીલ રાહુલ તિવારીએ દાખલ કરેલી પીઆઈએલમાં દાવો કરવામાં આવ્યો છે કે, રાજ્યના ઘણા ક્રિકેટ ગ્રાઉન્ડમાં પીવાના પાણી અને 'શૌચાલય' જેવી પાયાની સુવિધાઓ નથી.
ક્રિક્રેટના મેદનમાં પાણીની સુવિધા માટે PIL
બોમ્બે હાઈકોર્ટે જવાબમાં કહ્યું પાણી ઘરેથી લઇ આવો
ક્રિકેટ મૂળભૂત રીતે ભારતની રમત પણ નથી
ક્રિકેટ મૂળ ભારતની રમત પણ નથી
બોમ્બે હાઈકોર્ટે ગુરુવારે કહ્યું હતું કે જો માતા-પિતા તેમના બાળકોને ક્રિકેટ રમવાની વસ્તુઓ પૂરી પાડી શકે છે, તો તેઓ પીવા માટે પાણીની બોટલ પણ ખરીદી શકે છે. મુખ્ય ન્યાયાધીશ દીપાંકર દત્તા અને ન્યાયાધીશ એમ એસ કર્ણિકની ડિવિઝન બેંચ ક્રિકેટના મેદાનોમાં પીવાના પાણી અને 'શૌચાલય' માળખાગત સુવિધાના અભાવ અંગે નારાજગી માંગતી પીઆઈએલ પર સુનાવણી કરી રહી હતી. આ સાથે જ બેન્ચે કહ્યું કે, ક્રિકેટ એ એવી રમત પણ નથી કે જે મૂળ ભારતની હોય.
ગ્રાઉન્ડમાં પાણીની સગવડતા માટે PIL
એક વકીલ રાહુલ તિવારીએ દાખલ કરેલી પીઆઈએલમાં દાવો કરવામાં આવ્યો છે કે, રાજ્યના ઘણા ક્રિકેટ ગ્રાઉન્ડમાં પીવાના પાણી અને 'શૌચાલય' જેવી પાયાની સુવિધાઓ નથી. તેમાં દક્ષિણ મુંબઈના એક મેદાનનો પણ સમાવેશ થાય છે. જેની દેખરેખ મુંબઈ ક્રિકેટ એસોસિએશન દ્વારા કરવામાં આવે છે.
ક્રિકેટરો પોતાના માટે પીવાનું પાણી કેમ લાવી શકતા નથી?
ખંડપીઠે આ અરજી પર સુનાવણી કરતા વધુમાં જણાવ્યું હતું કે, મહારાષ્ટ્રના ઘણા જિલ્લાઓમાં આજે પણ દરરોજ પીવાના પાણીનો પુરવઠો મળતો નથી. જસ્ટિસ દીપાંકર દત્તાએ કહ્યું, "શું તમે જાણો છો કે ઔરંગાબાદને અઠવાડિયામાં માત્ર એક જ વાર પીવાનું પાણી મળે છે? ક્રિકેટરો પોતાના માટે પીવાનું પાણી કેમ લાવી શકતા નથી? તમે ક્રિકેટ રમવા માંગો છો જે આપણી રમત પણ નથી. તે મૂળભૂત રીતે ભારતની રમત નથી.
આ "લક્ઝરી" વસ્તુઓ છે
તમે નસીબદાર છો કે તમારા માતાપિતા તમને 'ચેસ્ટ ગાર્ડ', 'ની ગાર્ડ' અને ક્રિકેટ માટે તમામ આવશ્યક ચીજવસ્તુઓ ખરીદીને લાવી શકે છે. જો તમારા માતા-પિતા તમને આ બધી વસ્તુઓ અપાવી શકે છે, તો તેઓ તમને પીવા માટે પાણીની બોટલ પણ ખરીદી શકે છે. જરા ગામલોકોનો વિચાર કરો કે જેમને પીવાનું પાણી પોષાય તેમ નથી. કોર્ટે કહ્યું કે આ "લક્ઝરી" વસ્તુઓ છે અને આ મુદ્દો અગ્રતાની સૂચિમાં 100 મા સ્થાને આવશે. શું તમે તે મુદ્દાઓની સૂચિ જોઈ છે જેની સાથે આપણે ઝઝૂમી રહ્યા છીએ? ગેરકાયદેસર ઇમારતો, પૂર. સૌ પ્રથમ તો એ વાતનું ધ્યાન રાખીએ કે મહારાષ્ટ્રના ગામડાઓને પાણી મળે. ત્યારબાદ ખંડપીઠે કહ્યું હતું કે અરજદારે તેના મૂળભૂત અધિકારો પર ભાર મૂકતા પહેલા તેની જવાબદારીઓ પૂરી કરવી જોઈએ.
તમારી મૂળભૂત જવાબદારીઓનું ધ્યાન રાખો
મુખ્ય ન્યાયાધીશે કહ્યું કે પહેલા તમારી મૂળભૂત જવાબદારીઓનું ધ્યાન રાખો. શું તમને જીવતા પ્રાણીઓ પ્રત્યે કરુણા બતાવી છે? જીવિત પ્રાણીમાં મનુષ્યનો પણ સમાવેશ થાય છે. શું તમે ચિપલુન અને ઓરંગાબાદના લોકો વિશે વિચાર્યું છે? તે સરકારની અગ્રતા સૂચિમાં નીચે આવશે. તમારી મૂળભૂત જવાબદારીઓ પૂરી કરવા માટે તમે શું કર્યું છે? અમે અહીં સમય બગાડવા માંગતા નથી. મહેરબાની કરીને આ સમજી લો. ત્યારબાદ તેમણે આ અરજીને ફગાવી દીધી હતી.