બોમ્બે હાઈકોર્ટે સાત વર્ષની બાળકી સાથે અપ્રાકૃતિક રીતે દુષ્કર્મના આરોપી રફીક અફઝલ શેખને જામીન આપી દીધા છે.
બોમ્બે હાઈકોર્ટે આપ્યો ચુકાદો
સાત વર્ષની બાળકી સાથે ગંદી હરકત કરનારા શખ્સને જામીન આપ્યા
જોઈ લો શું છે આ સમગ્ર કેસ
બોમ્બે હાઈકોર્ટે સાત વર્ષની બાળકી સાથે અપ્રાકૃતિક રીતે દુષ્કર્મના આરોપી રફીક અફઝલ શેખને જામીન આપી દીધા છે. આરોપી વિરુદ્ધ નવી મુંબઈના કોપરખૈર પોલીસ સ્ટેશનમાં સગીર બાળકી પર યૌન ઉત્પીડનનો કેસ નોંધાયો હતો. પીડિતની માતાની ફરિયાદ પર આરોપી વિરુદ્ધ FIR નોંધવામાં આવી હતી.
FIR માં પીડિતની માતાએ કહ્યું કે, 30 સપ્ટેમ્બર 2019ના રોજ મારી સાત વર્ષની દિકરીએ પોતાના અન્ય સાથીઓ સાથે ઘરની બહાર રમતી હતી. આ દરમિયાન દાઢીવાળો એક શખ્સ આવ્યો અને તેને પોતાના ઘરમાં બોલાવી, ત્યાં મારી દિકરીને નિર્વસ્ત્ર કરીને તેની સાથે અપ્રાકૃતિક રીતે યૌન ઉત્પીડન કર્યું. બાળકીએ બૂમો પાડતા તેને મારી અને અવાજ બહાર ન જાય એટલા માટે તેનું મોં બંધ કરી દીધું. ઘટના બાદ દિકરી બહાર આવી તો, તેના મિત્રો તેની રાહ જોઈ રહ્યા હતા. દિકરીએ ઘરે આવીને આખી હકીકત જણાવી. ત્યાર બાદ પરિવારના લોકોએ દાઢી વાળા શખ્સને શોધવા માટે મથામણ કરી. ચોકીદારે જણાવ્યું કે, આ શખ્સે બાજૂના એપાર્ટમેન્ટમાં રહે છે.
મેડિકલ રિપોર્ટમાં સામે આવ્યું છે કે, બાળકી સાથે યૌન ઉત્પીડનની ઘટના 27 સપ્ટેમ્બરના રોજ થઈ હતી. નહીં કે 30 સપ્ટેમ્બરના રોજ. પીડિતાની માતાના જણાવ્યા અનુસાર પીડિતાના દોસ્ત તેને નજીકના 50 વર્ષના એક શખ્સ પાસે લઈ ગયા. તેમણે કહ્યું કે, તે પૈસા આપતો હતો. જ્યારે પીડિતા ત્યાં ગઈ તો, તેના કપડા ઉતાર્યા અને તેના પ્રાઈવેટ પાર્ટ્સમાં લાલ રંગની પાણી નાખી દીધું.
ન્યાયમૂર્તિ ભક્તિ ડાંગરેએ કહ્યું કે, પ્રાઈવેટ પાર્ટ્સને હાથ લગાવીને તેની સાથે રમત કરવી અને તેમાં અમુક પદાર્થ નાખવાનો આરોપ સેક્સના દાયરામાં આવતું નથી. જો કે, યૌન દુરાચારની અન્ય જે કલમો છે, તે અંતર્ગત આરોપી વિરુદ્ધ કેસ ચલાવામા આવી રહ્યો છે. તેમાં દોષિત ઠરતા પાંચ વર્ષની સજાની જોગવાઈ છે. આરોપી લગભગ 3 વર્ષથી જેલમાં બંધ છે. જે જામીન પર છુટ્ટો થવા માટે હકદાર છે.