ઉત્તર-પૂર્વીય અફગાનિસ્તાનમાં શનિવારે એટલે કે આજે એક મહિલા ઉમેદવારના સમર્થકોને નિશાને લઇને વિસ્ફોટ કરાયો હતો જેમાં 12 જેટલા લોકો મોતને ભેટ્યા છે.
અફગાનિસ્તાનના 'તકહર' પ્રાંતમાં થયેલા આ ધમાકામાં 32 જેટલા લોકો ઘાયલ થયા છે. તકહર પ્રાંતના ગવર્નરના પ્રવક્તા 'મોહમ્મદ જવાદ હેજરી'એ જણાવ્યું કે સંસદીય ચૂંટણીની ઉમેદવાર 'નજીફા યુસેફીબેક'ના પ્રચાર દરમિયાન આ વિસ્ફોટ થયો હતો.
તો બીજી તરફ અફગાનિસ્તાનના પૂર્વીય ભાગમાં એક લગ્ન પ્રસંગમાં પણ વિસ્ફોટ થયો છે. જ્યાં પાંચ લોકોનું ઘટના સ્થળે મોત થયું છે. જ્યારે સાત લોકો ઘાયલ થયા છે. તમને જણાવી દઇએ કે આ પહેલાં કાબુલના 'કલા-એ-નજર'માં બે બહું મોટા વિસ્ફોટ થયા હતા જેમાં 20 લોકોના મોત અને બહોળી સંખ્યામાં લોકો ઘાયલ થયા હતા.