અફરાતફરી / મોટી હોનારત ટળી: રેલવે ટ્રેક પરથી જીવતો બોમ્બ મળી આવતા મચ્યો હડકંપ, જાણો ક્યાં બની ઘટના

• પશ્ચિમ બંગાળના બર્દવાનના સ્થલી સ્ટેશન પરથી મળ્યો જીવતો બોમ્બ
• બોમ્બ ડિસ્પોઝલ સ્કવોડે કર્યો ડિફ્યૂઝ
• મોટી હોનારત ટળી 

પૂર્વ બર્દવાનના સ્થલી સ્ટેશન રેલ્વે પર ઉભેલી ટ્રેનની નીચે પહેલા બોમ્બ જેવી ચીજ જોવા મળ્યા બાદ અફરાતફરી સર્જાઈ હતી. બાદમાં બોમ્બ ડિસ્પોઝલ સ્કવોડની તપાસમાં તે લાઇવ બોમ્બ બહાર આવ્યો, જેને ડિફેસ કરવામાં આવ્યો.

રવિવારે સાંજે પશ્ચિમ બંગાળના પૂર્વ બર્ધન જિલ્લામાં પૂર્વ સ્થલી રેલ્વે સ્ટેશનના પ્લેટફોર્મ નંબર ચાર નજીક ટ્રેનની નીચે બોમ્બ મળી આવતા સમગ્ર સ્ટેશન પરિસરમાં ભયનો માહોલ સર્જાયો હતો. એવું કહેવામાં આવ્યું હતું કે રવિવારે સાંજે રેલ્વે સ્ટેશન પર પાર્ક કરેલી ટ્રેનની નીચે બોમ્બ જેવી વસ્તુ દેખાઈ હતી.

જીવતો બોમ્બ મળી આવતા ખળભળાટ 

ઉલ્લેખનીય છે કે, સંદિગ્ધ વસ્તુ દેખાતા જ RPFનો સંપર્ક કરવામાં આવ્યો હતો. બનાવની ગંભીરતાથી નોંધ લેતા સમગ્ર ટીમ ઘટના સ્થળે પહોંચી હતી અને તપાસ હાથ ધરી હતી. તો અધિકારીઓ દ્વારા રેલવે ટ્રેક પરથી કોઈપણ અઘટિત બનાવ બને તે પહેલા જ ટ્રેનને હટાવવામાં આવી હતી. ત્યારબાદ બોમ્બ ડિસ્પોઝલ ટીમને બોલાવવામાં આવી હતી. ઘટના સ્થળે પહોંચીને બોમ્બ ડિસ્પોઝલ ટીમે બોમ્બને ડિસ્પોઝ કર્યો હતો. 

રેલવે ટ્રેક પર થઈ દોડધામ 

જણાવી દઇએ કે, સમયસર બોમ્બ અંગેની સૂચના મળ્યા બાદ મોટી દુર્ઘટના ટળી હતી. જીઆરપી અને આરપીએફના અધિકારી દ્વારા સમગ્રા મામલે તપાસ કરવામાં આવી રહી છે. જો કે, ઘટનાને પગલે સમગ્ર રેલવે સ્ટેશન પર અફરાતફરીનો માહોલ સર્જાયો હતો.