પાકિસ્તાનમાં બલૂચિસ્તાન યુનિવર્સિટી પાસે બોમ્બ બ્લાસ્ટનો બનાવ સામે આવ્યો છે. આ બ્લાસ્ટમાં 1 વ્યક્તિનું મોત થયું છે જ્યારે 17 લોકો ગંભીર રીતે ઘાયલ થયા હોવાનું સામે આવ્યું છે.
પાકિસ્તાનમાં ક્વેટામાં બોમ્બ બ્લાસ્ટ
બલૂચિસ્તાન યુનિવર્સિટી પાસે થયો બ્લાસ્ટ
બોમ્બ બ્લાસ્ટમાં એકનું મોત 17 લોકો ઘાયલ
પાકિસ્તાનના ક્વેટામાં સરયાબ રોડ પાસે બલૂતિસ્તાન વિસ્વ વિદ્યાલય પાસે બોમ્બ બ્લાસ્ટ થયો છે. જેમા 17 લોકો ઘાયલ થયા હોવાનું સામે આવ્યું છે. ઘટનાની જાણ થતાજ બચાવ અધિકારીઓ સ્થળ પર પહોચ્યા હતા, સાથેજ સુરક્ષા અધિકારીઓ પણ ઘટના સ્થળે પણ પહોચ્યા હતા. જ્યા સ્થળ પર તેમણે તપાસ આરંભી હતી.
પોલીસના ટ્રકને ટાર્ગેટ કરવામાં આવ્યો
સમગ્ર મામલે બલૂચિસ્તાનના પ્રવક્તા લિયાકત શાહવાનીએ કહ્યું કે વિશ્વવિદ્યાલયના ગેટ બહાર પોલીસનો ટ્રક ઉભો હતો તેને ટાર્ગેટ કરવામાં આવ્યો હતો. બોમ્બ બાઈકમાં મુક્યો હોવાનું સામે આવ્યું છે. સમગ્ર મામલે જવાબદારો સાથે જલ્દીથી જલ્દી કાર્યવાહી કરવામાં આવશે તેવું પણ કહેવામાં આવ્યું છે.
17 લોકો ઘાયલ
ઉલ્લેખનીય છે કે સમગ્ર મામલે પ્રવક્તા શાહવાનીએ કહ્યું કે આ ઘટનામાં એક પોલીસકર્મીનું મોત થયું છે. જ્યારે સાત પોલીસ કર્મી અને ચાર લોકો સહિત 11 લોકો ગંભીર રીતે ઘાયલ થયા છે. જોકે હવે એવા સમાચાર સામે આવી રહ્યા છે કે આ ઘટનામાં 17 લોકો ઘાયલ થયા છે.