બોમન ઇરાની બોલીવુડ ઇન્ડસ્ટ્રીના એક એવા એક્ટર છે, જેમને પોતાની દમદાર એક્ટિંગથી લોકોના દિલોમાં ખાસ ઓળખ ઊભી કરી છે. પીએમ નરેન્દ્ર મોદીની બાયોપિક બાદ હવે બોમન ઇરાની ફિલ્મ 83માં કામ કરી રહ્યા છે.
બોલીવુડમાં હાલ બાયોપિક ફિલ્મનો સમય ચાલી રહ્યો છે. અત્યાર સુધી ઘણી ફિલ્મો એવી આવી ચુકી છે. તો બીજી બાજુ ક્રિકેટર્સની લાઇફ પર પણ બોલીવુડમાં બાયોપિક બનતી રહી છે. જલ્દીથી જ પૂર્વ ક્રિકેટર કપિલ દેવની બાયોપિક ફિલ્મ પણ આવી રહી છે. આ ફિલ્મનું નામ 83 છે. ફિલ્મમાં રણવીર સિંહ કપિલ દેવનો રોલ કરશે. ફિલ્મને કબીર ખાન બનાવી રહ્યા છે. ફિલ્મનું શૂટિંગ હાલ લંડનમાં ચાલી રહ્યું છે. ફિલ્મમાં રણવીર ઉપરાંત ઘણા સ્ટાર્સ નજરે પડશે. હવે આ ફિલ્મમાં બોમન ઇરાની પણ નજરે આવશે.
તાજેતરમાં જ બોમન ઇરાનીએ ફિલ્મ 83ના સેટ પર રણવીર સિંહ અને કબીર ખાનને જોઇન કર્યા છે. સોશિયલ મીડિયા પર ઘણા ફોટો સામે આવ્યા છે, જેનાથી સ્પષ્ટ થાય છે કે આ ફિલ્મમાં બોમન પણ જોવા મળશે. ફિલ્મ 83માં બોમન ઇરાની ઇન્ડિયન ક્રિકેટ ચીમના ફોર્મર ઓપનિંગ બેટ્સમેન અને વિકેટ કીપર ફારૂખ એન્જીનિયરનો રોલ પ્લે કરતાં નજરે આવશે. જણાવી દઇએ કે ફારૂખ એન્જીનિયર 1983ના વર્લ્ડકપ દરમિયાન ભારતના એક માત્ર કમેન્ટેટર પણ હતા.
બોમન ઇરાનીનું ફિલ્મ 83ની ટીમને જોઇન કરવા પર રણવીર સિંહે પોતાના ટ્વિટર હેન્ડલ પર બોમન ઇરાની સાથે પોતાનો ફોટો શેર કરીને ફિલ્મ સેટ પર એમનું વેલકમ કર્યું છે. આ ઉપરાંત રણવીરે બીજા ઘણા ફોટો શેર કર્યા છે. એ ફોટામાં રણવીર, બોમન ઇરાની અને ફિલ્મના ડિરેક્ટર કબીર ખાનની સાથે નજરે આવશે.
All-star arrival!!💫
One of the most remarkable people I have ever met..❤
One of the finest actors I know..someone I admire immensely..🙏🏽 he’s One in a Million!✨A special gem of a person & a universally loved,COLOSSAL talent..the one & only BOMAN IRANI IS IN THE BUILDING!!🌟 pic.twitter.com/qsqa4JtGhY
એવામાં સ્પષ્ટ છે કે હવે બોમન ઇરાનીએ પણ ફિલ્મમાં એન્ટ્રી કરી લીધી છે. ફિલ્મમાં રણવીર સિંહની રિયલ લાઇફ પાર્ટનર અને પત્ની દીપિકા પાદુકોણ પણ નજરે આવશે. ફિલ્મમાં દીપિકા કપિલ દેવની પત્ની રોમી દેવનો રોલ નિભાવશે. રિયલ લાઇફ બાદ પહેલી વખત એ કપલ પડદા પર પતિ-પત્નીનો રોલ પ્લે કરશે. ફિલ્મ આવતા વર્ષે રિલીઝ થવાની છે.