મનોરંજન / બિગ બોસ ફેમ એડિન રોઝ હોસ્પિટલમાં દાખલ, પોસ્ટ કરીને કહ્યું 'હું એવોર્ડ્સ માટે તૈયાર થઇ રહેલી અને....'

રિયાલિટી ટીવી શો બિગ બોસ 18નો ભાગ રહેલી અભિનેત્રી એડિન રોઝ એક એવોર્ડ શોમાં ભાગ લેવા જઈ રહી હતી ત્યારે અચાનક તેની તબિયત બગડી ગઈ. અભિનેત્રીને તાત્કાલિક મુંબઈની કોકિલાબેન હોસ્પિટલમાં દાખલ કરવામાં આવી હતી જ્યાં તેની ઇમરજન્સી વોર્ડમાં સારવાર કરવામાં આવી હતી. અભિનેત્રીએ સોશિયલ મીડિયા પોસ્ટ દ્વારા ચાહકોને આ અંગે માહિતી આપી છે, પરંતુ હજુ સુધી તે સ્પષ્ટ નથી થયું કે તેને કઈ સમસ્યા હતી જેના કારણે તેને હોસ્પિટલમાં દાખલ કરવામાં આવ્યા હતા.

શનિવારે રાત્રે એડિન રોઝે તેની ઇન્સ્ટાગ્રામ સ્ટોરી પર હોસ્પિટલના પલંગ પરથી લીધેલી એક તસવીર શેર કરી અને લખ્યું, " હું ઝી એવોર્ડ્સ માટે તૈયારી કરી રહી હતી, ડિઝાઇનર આઉટફિટ, વાળ, મેકઅપ, જ્વેલરી, પાપારાઝી, બધું જ પ્લાન કરવામાં આવ્યું હતું અને માત્ર એક કલાક પહેલા મને હોસ્પિટલના ઇમરજન્સી વોર્ડમાં દાખલ કરવામાં આવી. જીવન ખરેખર અણધાર્યુ છે. ગમે તે હોય, હું થોડા સમય માટે સોશિયલ મીડિયા પર નહીં રહું. કૃપા કરીને મારા માટે પ્રાર્થના કરો."

બિગ બોસ 18 ની વાત કરીએ તો, એઇડન રોઝે યામિની મલ્હોત્રા અને અદિતિ મિસ્ત્રી સાથે વાઇલ્ડ કાર્ડ સ્પર્ધક તરીકે ઘરમાં પ્રવેશ કર્યો. થોડા અઠવાડિયા પછી, અદિતિ અને યામિનીને વીકેન્ડ કા વાર એપિસોડમાં એકસાથે બહાર કાઢવામાં આવ્યા. શોમાં, એડિનએ ખુલાસો કર્યો હતો કે તેણે ડિમ્પલપ્લાસ્ટી કરાવી છે, જે ગાલ પર ડિમ્પલ મેળવવા માટે એક સર્જરી છે. તાજેતરના એક ઇન્ટરવ્યુમાં, તેણીએ જણાવ્યું હતું કે તેણીએ બિગ બોસમાં તેણીની ડિમ્પલ સર્જરી વિશે વાત કરી હતી કારણ કે તે સુંદરતાના ખોટા ધોરણો નક્કી કરવા માંગતી નથી.

આ પણ વાંચોઃ આથિયાએ દેખાડી લાડલીની ઝલક, ક્યૂટ તસવીર જોતા જ ફેન્સે આપ્યા ગજબ રિએક્શન

એડિનએ કહ્યું કે તે હંમેશા આ બાબતો વિશે ખૂબ જ સ્પષ્ટ રહી છે. સલમાન ખાન સ્ટારર રિયાલિટી શોની આગામી સીઝન વિશે વાત કરીએ તો, તેના પર હજુ પણ સંકટના વાદળો છવાયેલા છે. પ્રોડક્શન હાઉસના બેકઆઉટ પછી, હજુ સુધી સ્પષ્ટ નથી કે બિગ બોસની નવી સીઝન કલર્સ ટીવી પર આવશે કે નહીં. કેટલાક અહેવાલોમાં સૂત્રોના હવાલાથી દાવો કરવામાં આવ્યો છે કે શોની નવી સીઝન સોની ટીવી પર પણ પાછી આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ