મનોરંજન / Video: ગર્લફ્રેન્ડ સાથે કારમાં રોમાન્સ કરતો નજરે પડ્યો આમીર ખાન, વીડિયો સોશિયલ મીડિયામાં વાયરલ

બોલિવૂડના મિસ્ટર પરફેક્શનિસ્ટ આમિર ખાન ફરી એકવાર પોતાની પર્સનલ લાઈફને લઈને ચર્ચામાં છે. આમિર ખાન પોતાની ફિલ્મોથી વધારે હવે પોતાની લવ લાઈફને કારણે ચાહકોની નજરમાં છે. તાજેતરમાં એક વીડિયો સોશિયલ મીડિયા પર વાયરલ થયો છે, જેમાં આમિર પોતાની ગર્લફ્રેન્ડ ગૌરી સ્પ્રેટ સાથે રોમેન્ટિક મૂડમાં નજરે પડ્યો છે. આ ઘટના મુંબઈ એરપોર્ટની છે, જ્યાં આમિર પોતાની ગર્લફ્રેન્ડને મળવા પહોંચ્યો હતો.

આમિર એરપોર્ટ પર પહોંચ્યો, તેમજ તે સીધો ગૌરી સ્પ્રેટની કાર તરફ ગયો, જ્યાં ગૌરી તેને જોઈને ખુશ થઈ હતી. કારમાં બેઠા બાદ આમિર તેની ગર્લફ્રેન્ડના ખભા પર માથું મૂકીને આરામથી બેઠો હતો. Paparazziએ આ મૉમેન્ટ કૅમેરામાં કેદ કરવાનો એક પણ મોકો છોડ્યો નહીં. એવું પણ કહેવામાં આવી રહ્યું છે કે આમિરે ગૌરીને કારમાં ચુંબન કર્યું હતું, જો કે વીડિયોમાં ચુંબન સ્પષ્ટ રીતે દેખાતું નથી. આમ છતાં, આમિરનો ગૌરી સાથેનો નજદીક પળો ચાહકો વચ્ચે ચર્ચાનો વિષય બની ગયો છે.

આમિર ખાન અને ગૌરી સ્પ્રેટ છેલ્લા દોઢ વર્ષથી ડેટિંગ કરી રહ્યાં છે. આમિરે થોડા સમય પહેલા પોતાના 60મા જન્મદિવસ પર તેમના સંબંધની જાહેર જાહેરાત કરી હતી. આમિરે જણાવ્યું હતું કે તે ગૌરીને છેલ્લા 25 વર્ષથી ઓળખે છે, પરંતુ બંનેએ માત્ર દોઢ વર્ષથી જ સંબંધની શરૂઆત કરી છે.

આ પણ વાંચો : 'તેઓએ મને પેશાબ કરવાનું કહ્યું', જ્યારે ડાયરેક્ટરે આ ગુજરાતી એક્ટ્રેસ સમક્ષ મૂકી ગજબ ડિમાન્ડ, તો રાજીખુશીથી તૈયાર થઇ ગઇ

આ રોમેન્ટિક વીડિયો વાયરલ થતાં ચાહકોના વિવિધ પ્રતિસાદો મળી રહ્યા છે. કેટલાકે આ નજારો મીઠો અને સ્વાભાવિક ગણાવ્યો છે, તો કેટલાકે એવું પણ કહ્યું કે તેમનું અંગત જીવન હવે ખુલ્લા આમ લોકોની સામે આવી રહ્યું છે. આમિર અને ગૌરીની આ કેમિસ્ટ્રી ચાહકોને ખુબ જ પસંદ આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ