અભિનેત્રી તુનિષા શર્માનુ શનિવારે મોત થયુ. તુનિષાએ પોતાના કો સ્ટાર શીજાન ખાનના મેકઅપ રૂમમાં ફાંસીએ લટકીને આત્મહત્યા કરી. મીડિયા રિપોર્ટસ મુજબ, તુનિષાની 9 વર્ષ મોટા કોસ્ટાર શીજાનની સાથે રિલેશનશિપ ચાલી રહી હતી. છેલ્લાં 15 દિવસ પહેલા બંનેનુ બ્રેકઅપ થયુ હતુ.
અભિનેત્રી તુનિષા શર્માએ કરી આત્મહત્યા
તુનિષા શર્માનુ 9 વર્ષ મોટા કો-સ્ટાર સાથે હતુ અફેર
આશરે 15 દિવસ પહેલા બંનેનુ બ્રેકઅપ થયુ હતુ
તુનિષાના મોત બાદ બોલીવુડમાં સન્નાટો પ્રસર્યો
અભિનેત્રી તુનિષા શર્માએ શનિવારે ટીવી સીરિયલ અલીબાબા દાસ્તાં એ કાબુલના સેટ પર ફાંસીએ લટકીને આત્મહત્યા કરી. 20 વર્ષની તુનિષાનુ હોસ્પિટલમાં મોત થયુ છે. તુનિષાના મોત બાદ આખા બોલીવુડમાં સન્નાટો પ્રસરી ગયો. તુનિષાએ પોતાના કો-સ્ટાર શીજાન મોહમ્મદ ખાનના મેકઅપ રૂમમાં ફાંસીએ લટકીને મોતને વ્હાલુ કર્યુ.
15 દિવસ પહેલા તુનિષા અને શીજાનનુ થયુ હતુ બ્રેકઅપ
જણાવવામાં આવી રહ્યું છે કે શીજાન ખાન અને તુનિષા છેલ્લાં ઘણા સમયથી રિલેશનશિપમાં હતા. આશરે 15 દિવસ પહેલા બંનેનુ બ્રેકઅપ થયુ હતુ. ત્યારબાદ તુનિષા તણાવમાં રહેતી હતી. તુનિષાનો શીજાન માટેનો પ્રેમ તેના ઈન્સ્ટાગ્રામ પોસ્ટ્સમાં સ્પષ્ટ રીતે છલકાતો હતો. મીડિયા રિપોર્ટસ મુજબ બંને છેલ્લાં ઘણા સમયથી ડેટ કરી રહ્યાં હતા. તુનિષાની માંએ શીજાન પર ચીટીંગ કરવાનો આરોપ લગાવ્યો છે.
9 વર્ષ મોટી ઉંમરના શીજાન સાથે રિલેશનશિપમાં હતી તુનિષા
તુનિષા શર્મા આશરે 20 વર્ષની હતી અને પ્રસિદ્ધીના ખાસ મુકામે પહોંચી ગઇ હતી. તુનિષાએ 20 વર્ષની ઉંમરમાં 7થી વધુ સીરિયલ્સમાં કામ કર્યુ હતુ. આ સાથે ત્રણ મોટી ફિલ્મોમાં પણ પોતાની અદાકારીથી લોકોનુ દિલ જીતી ચૂકી હતી. તુનિષાનો શીજાન માટે પ્રેમ પણ તેમની ઈન્સ્ટાગ્રામ પોસ્ટ પર જોઇ શકાય છે. તુનિષાએ ઈન્ટરનેશનલ મેન્સ ડે પર 9 વર્ષ મોટા કો-સ્ટાર શીજાન માટે એક પ્રેમભરી પોસ્ટ શેર કરી હતી. આ પોસ્ટમાં શીજાન, તુનિષાને ઉપર ઉપાડતો દેખાઈ રહ્યો છે. પોસ્ટમાં તુનિષાએ લખ્યું હતુ કે મને હંમેશા ઉપર ઉઠાવનારા વ્યક્તિને આંતરરાષ્ટ્રીય મેન્સ ડેની શુભેચ્છાઓ.