છેલ્લા ઘણાં સમયથી દેશ કોરોનાના કહેર સામે લડી રહ્યો છે. ત્યારે લોકડાઉન ખુલતા કેટલીક ચોંકાવનારી વાતો સામે આવી રહી છે. જેમાં આ વખતે ભારે ભરખમ લાઈટ બિલ જોઈને સામાન્ય જનતા જ નહીં સેલેબ્સને પણ મોટો ઝટકો લાગ્યો છે. ત્યારે બોલિવૂડ એક્ટ્રેસ તાપસી પન્નૂ પણ તેનું લાઈટબિલ જોઈને ભડકી છે. તાપસી પન્નૂએ તેના લાઈટ બિલના સ્ક્રીનશોટ્સ સોશિયલ મીડિયા પર શેર કર્યા છે.
લોકડાઉન બાદ હવે લાઈટિબલએ વધારી મુશ્કેલી
સામાન્ય જનતાથી લઈ સેલેબ્સ પણ લાઈટબિલની રકમ જોઈ ભડક્યા
તાપસીએ અદાણી ઈલેક્ટ્રિસિટીને ટેગ કરીને ફરિયાદ કરતા લખ્યું- લોકડાઉનને 3 મહિના જ થયા છે અને મને હેરાની થઈ રહી છે કે, ગયા એક મહિનામાં મેં એવા તો કયા નવા એપ્લાઈન્સિસ વાપર્યા છે અને કયા નવા ખરીદીની લાવી છું કે જેનાથી મારું આટલું બધું લાઈટબિલ આવ્યું છે. તમે કઈ રીતે અમારી પાસેથી લાઈટબિલ વસૂલી રહ્યાં છો.
3 months of lockdown and I wonder what appliance(s) I have newly used or bought in the apartment only last month to have such an insane rise in my electricity bill. @Adani_Elec_Mum what kind of POWER r u charging us for? pic.twitter.com/jZMMoxDMgj
તાપસીએ તેના એપ્રિલ, મે અને જૂન મહિનાના લાઈટબિલનો સ્ક્રીનશોટ શેર કર્યો છે. જેમાં એપ્રિલમાં તેનું બિલ 4390 રૂપિયા, મેમાં 3850 રૂપિયા અને જૂનમાં 36000 રૂપિયા લાઈટબિલ આવતા એક્ટ્રેસને ઝટકો લાગ્યો છે. તાપસીએ વધુ એક ટ્વિટ કરીને લખ્યું, આ એ અપાર્ટમેન્ટનું બિલ છે જ્યાં કોઈ રહેતું નથી. સપ્તાહમાં માત્ર એકવાર ત્યાં જઈએ છીએ અને એ પણ માત્ર સાફ સફાઈ માટે, તો હવે મને ચિંતા થઈ રહી છે કે, આ એપાર્ટમેન્ટમાં કોઈ રહી તો નથી રહ્યું અને એ પણ અમારી જાણ વિના. બની શકે કે, તમારા લીધે અમને આ જાણકારી મળી ગઈ છે.