રિપોર્ટ / શું આત્મહત્યાના થોડાં સમય પહેલાં સુશાંતે આ કામ કર્યું હતું? મોબાઇલનો ફોરેન્સિક રિપોર્ટ આવ્યો સામે

• સુશાંત સિંહ રાજપૂત આત્મહત્યા કેસમાં નવો વળાંક
• એક્ટરના મોબાઈલનો ફોરેન્સિક રિપોર્ટ આવ્યો સામે
• એક્ટર સાથે જોડાયેલા 26 લોકોની પૂછપરછ ચાલુુ

એક્ટરની સાથે જોડાયેલા 26 લોકોની પૂછપરછ ચાલુ

એક્ટરના મોતને લઈને પોલીસ પણ સુશાંત સિંહ રાજપૂતના મેનેજર, ક્રિએટિવ મેનેજર કહેવાતી ગર્લફ્રેન્ડ રિયા ચક્રવર્તી અને નોકરની પૂછતાછ કરી રહી છે. કેટલાક સેલેબ્સ સુશાંતના આ પગલાં માટે બોલિવૂડમાં ફેલાયેલા નેપોટિઝ્મ એટલે કે ભાઈ-ભતીજાવાદને જવાબદાર ગણાવી રહ્યા છે. જો કે મુંબઈ પોલીસ દરેક રીતે કેસની તપાસમાં લાગી છે અને એક્ટરની સાથે જોડાયેલા 26 લોકોની પૂછપરછ થઈ રહી છે. 

રિપોર્ટના આધારે સુશાંત સિંહ રાજપૂતે સુસાઈડ પહેલાં પોતાને ગૂગલ પર સર્ચ કર્યો હતો અને પોતાના વિશેના કેટલાક આર્ટિકલ્સ પણ વાંચ્યા હતા. મળતી માહિતી અનુસાર એક્ટરના મોબાઈલની ફોરેન્સિક રિપોર્ટમાં ખુલાસો થયો છે કે સુસાઈડની થોડી વાર પહેલાં જ એક્ટરે પોતાને ગૂગલ પર સર્ચ કર્યો હતો અને તેના આર્ટિકલ્સ પણ વાંચ્યા હતા. તેમાં એ વાત સામે આવી છે કે એક્ટર પોતાની ફિલ્મી કરિયર અને ઈમેજને લઈને ઘણો ચિંતિત હતો. એવામાં પોલીસની તપાસ મહત્વની સાબિત થઈ શકે છે, કેમકે એક્ટરના મોતની પાછળનું કારણને ડિપ્રેશન ગણાવી રહ્યું છે. 

એક્ટરના મોબાઈલનો આવ્યો ફોરેન્સિક રિપોર્ટ

મોબાઈલના પહેલાં ફોરેન્સિક રિપોર્ટના આધારે તે સુસાઈડ પહેલાં લગભગ 10 વાગ્યા સુધી ગૂગલ પર પોતાને સર્ચ કરી રહ્યો હતો. ઉલ્લેખનીય છે કે સુશાંત સિંહ 14 જૂને પોતાના બાંદ્રા એપાર્ટમેન્ટમાં મૃત મળ્યો હતો. એક્ટરના મોત બાદ તેમની સાથે જોડાયેલા લોકોએ પોલીસ તપાસમાં ખુલાસો કર્યો કે સુળાંત લગભગ 6 મહિનાથી ડિપ્રેશનમાં રહેતો હતો. તેને લઈને તે ટ્રીટમેન્ટ પણ લઈ રહ્યો હતો. તેના નજીકના મિત્રો અને તેમના ક્રિએટિવ મેનેજર સિદ્ધાંત પિઠાનીએ તેમના નિવેદનમાં તેના ડિપ્રેશનની વાત કરી હતી. 

ઉલ્લેખનીય છે કે એક્ટરના મોત બાદ પોલીસ તેમની સાથે જોડાયેલા 26 લોકોની પૂછપરછ કરી રહી છે. તેમાં તેની કથિત ગર્લફ્રેન્ડ રિયા ચક્રવર્તી, દોસ્ત મહેશ શેટ્ટીથી લઈને તમામ સ્ટાફ અને નોકરો સામેલ છે. જેનાથી પોલીસે એક્ટરના પ્રોફેશનલથી પર્સનલ લાઈફને લઈને સવાલ કર્યા છે. જ્યારે એક્ટરનું મોત થયું ત્યારે પોલીસ અલગ અલગ એન્ગલથી તપાસ કરી રહી છે.