બોલિવૂડમાં સ્ટારડમ મળ્યા બાદ ફિલ્મી સિતારાઓ સ્ક્રિપ્ટ પસંદ ના આવવા પર ફિલ્મને ના પાડી દેતા હોય છે પરંતુ ઘણીવાર એવુ થાય છે કે, ફિલ્મોને ના કહેવું તેમને ભારે પડે છે. કારણકે તે જ ફિલ્મો બાદમાં સુપરહિટ થઇ જાય છે.
કરિયરમાં થઇ હીટ ફિલ્મની બાદબાકી
સફળ ફિલ્મો ઓળખી ન શક્યા
કાજોલે તેના સમયમાં સુપરહિટ ફિલ્મ 'ગદર'ને રિજેક્ટ કરી હતી. જ્યારે જુહી ચાવલાએ 'રાજા હિન્દુસ્તાની' અને દિલ તો પાગલ હૈ ને ના કહ્યું હતું. આ ફિલ્મો રિજેક્ટ કરવાથી કેટલાક ન્યુ કમર્સ સ્ટાર બની ગયા.
સૈફ અલી ખાન
સૈફ અલી ખાને 'દિલવાલે દુલ્હનીયા લે જાયેન્ગે'ને એવુ કહીને ના પાડી હતી કે તે લવર બોય નથી લાગતા. આ ફિલ્મે શાહરૂખ ખાનને એવરગ્રીન લવરબોય બનાવી દીધા.
ઋતિક રોશન
ઋતિક રોશને 'દિલ ચાહતા હૈ' ને એવુ કહીને ના પાડી દીધી હતી કે તે મલ્ટીસ્ટારર ફિલ્મો નથી કરતા. બાદમાં આમિર ખાને આ રોલ નિભાવ્યો. આમિર ખાન પણ તે સમયે મલ્ટી સ્ટારર ફિલ્મો નહોતા કરતા પરંતુ તેમણે આ કેરેક્ટર નિભાવવા માટે હા કહ્યું હતું. આજે પણ દિલ ચાહતા હૈને બેસ્ટ ફિલ્મમાં માનવામાં આવે છે.
કાજોલ
કાજોલને સૌથી પહેલા 'ગદર' ફિલ્મ ઓફર કરવામાં આવી હતી, પરંતુ તેણે આ ફિલ્મને ના કહી દીધુ હતુ. બાદમાં કાજોલની જગ્યાએ અમિષા પટેલને કાસ્ટ કરવામાં આવી.
આ ફિલ્મ બાદમાં કેટલી સુપરહિટ રહી તે કહેવાની જરૂર નથી.
કરીના કપૂર
'હમ દિલ દે ચૂકે સનમ' માટે સંજય લીલા ભણસાલીની પહેલી પસંદ કરિના કપૂર હતી. કરીનાએ ફિલ્મની ઓફર ઠૂકરાવી અને તે ફિલ્મમાં એશ્વર્યાને લેવામાં આવી.
સંજયની રામલીલાને પણ કરીનાએ ઠૂકરાવી હતી. બાદમાં દિપીકા અને રણવીરના કરિયરની સૌથી મહત્વની ફિલ્મ બની રહી.
જૂહી ચાવલા
જૂહી ચાવલાએ તેના કરિયરની સફળતાના ઇગોમાં 'દિલ તો પાગલ હૈ' અને 'રાજા હિન્દુસ્તાની'ને રિજેક્ટ કરી હતી. બાદમાં આ બંને ફિલ્મોમાં કરિશ્માને કાસ્ટ કરવામાં આવી અને બંને ફિલ્મને નેશનલ એવોર્ડ પણ મળ્યો હતો.