મનોરંજન / કરોડોમાં છે બોલિવુડના આ સ્ટાર્સના બંગલાઓની કિંમત, શાહરૂખના ઘરની કિંમત સૌથી વધારે

• રણવીર સિંહે હાલમાં જ ખરીદ્યો બંગલો 
• સૌથી મોંઘો બંગલો છે શાહરૂખ ખાનનો 
• જાણો સ્ટાર્સના બંગલાની કિંમતો 

રણવીર સિંહ પોતાના નવા ઘરને લઈને ચર્ચામાં છે. ખબર છે કે રણવીરે 119 કરોડ રૂપિયાનું આલીશાન એપાર્ટમેન્ટ ખરીદ્યું છે. મુંબઈના બાંદ્રામાં સ્થિત આ ઘરની સાથે તેમને 19 પાર્કિંગ સ્લોટ પણ મળ્યા છે. આ પ્રોપર્ટીને ખરીદતા જ દીપિકા અને રણવીર સિંહ શાહરૂખના પડોસી બની ગયા છે. બોલિવુડમાં ઘણા એવા સ્ટાર્સ છે જેમના બંગલા કરોડો રૂપિયાના છે. આવો જાણીએ

શાહરૂખ ખાન 
શાહરૂખ ખાન સૌથી મોટા સ્ટાર્સમાંથી એક છે. તેની એક ઝલક મેળવવા માટે રોજ ફેન્સ તેના ઘર મન્નતની બહાર ઉભા રહે છે. શાહરૂખનો મન્નત બંગલો તેણે ઘણા વર્ષો પહેલા 13 કરોડ રૂપિયામાં ખરીદ્યો હતો. ખબર છે કે આજે આ બંગલાની વેલ્યુ 350 કરોડ રૂપિયાએ પહોંચી ગઈ છે. 

અક્ષય કુમાર 
બોલિવુડના ખિલાડી અક્ષય કુમાર પોતાના પરિવારની સાથે જૂહુમાં રહે છે. તેની પત્ની ટ્વિંકલ ખન્ના મોટાભાગે ઘરના ફોટો શેર કરતી રહે છે. રિપોર્ટ્સ અનુસાર અક્ષય કુમારના આલીશાન બંગલાની વેલ્યુ 80 કરોડ રૂપિયા છે. 

પ્રિયંકા ચોપરા 
દેશી ગર્લથી ગ્લોબલ સ્ટાર બની ચુકેલી પ્રિયંકા ચોપડાનું દિવાનું કોણ નથી. બોલિવુડ પર રાજ કર્યા બાદ પ્રિયંકા હોલિવુડમાં પોતાનો સિક્કો જમાવી રહી છે. તેણે અમેરિકાના લોસ એન્જલિસમાં પોતાનું ઘર પણ લઈ લીધુ છે. આ ઘરની વેલ્યુ 20 મિલિયન ડોલર એટલે કે લગભગ 144 કરોડ રૂપિયા છે. 

શાહિદ કપૂર 
શાહિદ કપૂર પોતાના પરિવારની સાથે મુંબઈના વર્લી વિસ્તારમાં રહે છે. શાહિદનું આલીશાન એપાર્ટમેન્ટ પોતાના સી-ફેસિંગ વ્યૂ માટે ફેમસ છે. આ ઘરની વેલ્યુ 56.6 કરોડ રૂપિયા છે. 

સલમાન ખાન 
બોલિવુડના ભાઈજાન સલમાન ખાન મુંબઈના સૌથી લક્ઝુરિયસ એપાર્ટમેન્ટ્સ બિલ્ડિંગમાંથી એક ગેલેક્સી એપાર્ટમેન્ટ્સમાં રહે છે. ખબરો અનુસાર તેમના ઘરની વેલ્યુ 100 કરોડ રૂપિયા છે. 

અમિતાભ બચ્ચન 
બોલિવુડના શહેંશાહ અમિતાભ બચ્ચન પણ મોંઘા ઘરોમાંથી એકના માલિક છે. તેમનું ઘર જલસા ખૂબ જ શાનદાર છે. આ ઘરની અંદરનો વિસ્તાર આપણે ઘણી વખત સોશિયલ મીડિયામાં જોયો છે. બચ્ચન પરિવારના ઘરની વેલ્યુ 100થી 120 કરોડ રૂપિયા છે. 

શિલ્પા શેટ્ટી 
શિલ્પા શેટ્ટી મોટાભાગે પોતાના ઘરમાં બનાવેલા વીડિયો શેર કરી બંગલાના ઈનસાઈડ વ્યૂઝ આપે છે. તેમના ઘરમાં ન ફક્ત સારૂ ફર્નીચર અને સજાવટ છે પરંતુ સાથે જ તે પોતાના ગાર્ડનમાં શાક પણ ઉગાડે છે. ખબર અનુસાર શિલ્પાના ઘરની કિંમત 100 કરોડ રૂપિયા છે. 

ઋતિક રોશન 
બોલિવુડના ઋતિક રોશન પણ મુંબઈના એક આલીશાન બંગલામાં રહે છે. ખબર અનુસાર તેના ઘરની વેલ્યુ 50 કરોડ રૂપિયા છે.