બોલિવુડ / બાહુબલીની એક્ટ્રેસે લીધો કરોડોનો ફ્લેટ, આ સ્ટાર્સના ઘરની કિંમત જાણીને થશે આશ્ચર્ય

એક રિપોર્ટ અનુસાર, તમન્નાએ બિલ્ડર સમીર ભોજવાની સાથે ડીલ ફાઇનલ કરી છે. બ્રોકર અનુસાર, આ ડીલ ગત મહિને જ ફાઇનલ કરી દેવામાં આવી હતી. આ ઘર માટે તમન્નાએ રજિસ્ટ્રેશન કરાવવા માટે 99 લાખ રૂપિયાની સ્ટેમ્પ ડ્યૂટી આપી છે. 

તમન્નાએ જે ઘર ખરીદ્યુ છે તે જુહૂ-વર્સોવા લિંકિંગ રોડ પર છે. બેવ્યૂ નામથી ફેમસ આ બિલ્ડિંગના 14માં માળ પર તમન્નાનું ઘર છે. અહીંયા તમન્નાને 2 કાર પાર્કિંગ મળ્યુ છે. રિપોર્ટ અનુસાર, તમન્નાએ ઘર માટે લગભગ 2 કરોડની કિંમતનું ઇન્ટીરિયર કરાવવાનુ પ્લાનિંગ કર્યુ છે. 

જો સેલેબ્રિટીઝના ઘરની વાત કરવામાં આવે તો સ્ટાર્સના ઘર હંમેશા ચર્ચામાં રહે છે જેમાં પ્રિયંકા ચોપરાથી લઇને શાહિદ કપૂરના નામ શામેલ છે. 

બોલિવુડની દેસી ગર્લ પ્રિયંકા ચોપરા ભલે લોસ એન્જલસમાં રહેતી હોય પરંતુ મુંબઇમાં પીસીએ શાનદાર ઘર બનાવ્યુ છે. જેની કિંમત લગભગ 100 કરોડ રૂપિયા છે. શાહિદ કપૂરે તાજેતરમાં જ વર્લીમાં ડબલ ડ્યૂપ્લેક્સ ખરીદ્યુ છે. 55 કરોડના આ ડ્યૂપ્લેક્સમાં શાહિદે લગભગ 3 કરોડની સ્ટેમ્પ ડ્યૂટી ચૂકવી હતી.

વર્ષ 2016માં અનુષ્કા શર્મા અને વિરાટ કોહલીએ મુંબઇમાં એક શાનદાર એપાર્ટમેન્ટ ખરીદ્યુ હતુ. 7171 સ્કેવરમાં બનેલા આ એપાર્ટમેન્ટની કિંમત 34 કરોડ રૂપિયા છે.  

એક્ટર સુશાંત સિંહ રાજપૂતની ગર્લફ્રેન્ડ અંકિતાથી અલગ થયા પછી મલાડમાં એક એપાર્ટમેન્ટ ખરીદ્યુ છે. રિપોર્ટ અનુસાર, આ ફ્લેટની કિંમત લગભગ 20 કરોડ રૂપિયાની આસપાસ છે. બોલિવુડના એક્શન હીરો જોન અબ્રાહ્મની સી ફેસિંગ ફ્લેટ છે. પાંચ હજાર સ્કેવર ફૂટમાં બનેલા આ ઘરની કિંમત 69 કરોડ રૂપિયા છે.

એક્ટ્રેસ દીપિકા પાદુકોણની પાસે મુંબઇમાં એક શાનદાર એક્ટ્રેસ છે. પ્રભાદેવીના Beaumonde Towers માં બનેલા આ ફ્લેટની કિંમત 40 કરોડ છે.