બોલીવુડના કપૂર પરિવાર સાથે જોડાયેલા અરમાન જૈન અને અનિસા મલ્હોત્રા આખરે લગ્નના બંધનમાં બંધાઇ ગયા છે. બંને ઘણા લાંબા સમયથી એકબીજાને ડેટ કરી રહ્યા હતા. અરમાનના પિતા મનોજ જૈન એક ઇન્વેસ્ટમેન્ટ બેંકર છે અને તેની માતા રીમા કપૂર હોમમેકર છે. રીમાના પિતા રાજ કપૂર ઈન્ડસ્ટ્રીના પ્રખ્યાત ડિરેક્ટર અને નિર્માતા રહ્યા છે. અરમાનના આ હાઈપ્રોફાઈલ લગ્નમાં બોલિવૂડની ઘણી મોટી હસ્તીઓએ હાજરી આપી હતી.
નોંધપાત્ર છે કે આ લગ્નના ઘણા ફોટા અને વીડિયો સોશિયલ મીડિયા પર ચર્ચાનું કેન્દ્ર બન્યા છે. કરીનાની કેટલીક તસવીરો પણ વાયરલ થઈ છે જેમાં તે તૈમૂર, સૈફ અને કરિશ્મા સાથે લગ્નની જાનમાં પહોંચી હતી.
અનિલ કપૂર તેમની ચીર પરિચિત સ્માઈલ સાથે બ્લેક સુટમાં પહોંચ્યા હતા. તેમણે મેચિંગ ટાઇ અને શૂઝ પહેર્યા હતા.
અંબાણી પરિવારના આકાશ અંબાણી તેની પત્ની શ્લોકા મહેતા સાથે અરમાનના લગ્નમાં દેખાયા હતા. આકાશે આ પ્રસંગે બ્લેક આઉટફિટ્સ પહેર્યા હતા અને શ્લોકાએ એક સુંદર લહેંગા પહેર્યો હતો.