નરેન્દ્ર મોદીએ ગુરુવારે સાંજે 7 વાગે રાષ્ટ્રપતિ ભવન ખાતે પ્રધાનમંત્રી પદ માટે શપથગ્રહણ કર્યા. આ સમારોહમા રાષ્ટ્રપતિ રામનાથ કોવિંગ, ઉપરાષ્ટ્રપતિ વૈંકેયા નાયડૂ સિવાય દેશ-વિદેશના 8000 જેટલા મેહમાનોએ ભાગ લીધો.
મહેમાનોની આ યાદીમાં બોલિવુડના સેલેબ્સમાં પણ PM મોદીના શપથગ્રહણ સમારોહમાં હાજર રહ્યા હતા. રજનીકાંતથી લઇ શાહિદ કપૂર સુધીના તમામ સ્ટાર્સ આ સમારોહમાં ઉપસ્થિત રહ્યા હતા.
સિંગર આશા ભોસલે પણ શપથ ગ્રહણ માટે દિલ્હી આવ્યા હતાં. સમારંભ પૂરો થયા બાદ આશા ભોસલે ભીડમાં ફસાઈ ગયા હતાં અને કોઈ તેમની મદદ માટે આગળ આવ્યું નહોતું. આ સમયે સાંસદ સ્મૃતિ ઈરાનીએ તેમને મદદ કરી હતી. આશા ભોસલેએ આ માહિતી ટ્વિટર પર શૅર કરી હતી અને કહ્યું હતું, 'પીએમ શપથ સમારંભ બાદ હું ભીડમાં ફસાઈ ગઈ હતી. સ્મૃતિ ઈરાની સિવાય કોઈ મારી મદદ માટે આગળ આવ્યું નહીં. સ્મૃતિએ મને મદદ કરી અને સુનિશ્ચિત કર્યું કે હું સુરક્ષિત રીતે ઘરે પહોંચી જાવ. તે લોકોની પરવા કરે છે અને તેથી જ તે જીતી છે.' આશા ભોસલેની આ ટ્વીટ પર સ્મૃતિ ઈરાનીએ બે હાથ જોડેલું એક ઈમોજી શૅર કર્યું હતું.
I was stranded in the crazy rush post PM oath ceremony. No one offered to help me except @smritiirani who saw my plight & made sure I reached home safely. She cares & that’s why she won. pic.twitter.com/vDV84PrIVp
હાલમાં સોશ્યલ મીડિયા સમારોહમાં હાજર રહેલા આ સેલેબ્સના ફોટોઝ અને વીડિયોઝ વાયરલ થઇ રહ્યા છે. ઉલ્લેખનીય છે કે, રાષ્ટ્રપતિ ભવનમાં આયોજિત આ અત્યાર સુધીનો સૌથી મોટો સમારોહ હતો. 2014 પછી નરેન્દ્ર મોદીએ તત્કાલિન રાષ્ટ્રપિત પ્રણવ મુખર્જી સામે પ્રધાનમંત્રી પદની શપથ લીધી હતી, ત્યારે સાર્ક દેશોમાં પ્રમુખ સહિત 3500 મહેમાન આવ્યા હતા.