બોલીવુડના બાદશાહ શાહરુખ ખાન (Shahrukh Khan)ને એમના ફેન્સ ખુબ જ પ્રેમ કરે છે. 90ના દાયકાથી લઇને અત્યાર સુધી ઘણી સુપરહિટ ફિલ્મો આપનાર એક્ટર શાહરુખ ખાને 2018માં આવેલ ફિલ્મ 'ઝીરો (Zero)' બાદ બિલકુલ ગાયબ છે. ફિલ્મ ઇન્ડસ્ટ્રીઝના દિગ્ગજ અભિનેતા શાહરૂખ ખાન (Shahrukh Khan)ને ફેન્સ સોશિયલ મીડિયા પર બતાવી રહ્યા છે કે તે એમને કેટલા મિસ કરી રહ્યા છે.
ફિલ્મ અભિનેતા શાહરુખ ખાન એમની છેલ્લી ફિલ્મ 'ઝીરો' બાદ ગાયબ છે. આનંદ એલ રાયના ડિરેક્ટશનમાં બનેલ ફિલ્મ 'ઝીરો' બોક્સ ઓફિસ પર કોઇ ખાસ કમાલ ન દર્શાવી શકી. 200 કરોડ રૂપિયાના બજેટમાં બનેલ આ ફિલ્મને બોક્સ ઓફિસ પર માત્ર 186 કરોડ રૂપિયાની કમાણી કરી હતી.
આ ફિલ્મ બાદથી જ શાહરુખે એક્ટિંગથી થોડો બ્રેક લીધો હતો. લાંબા સમયથી પડદા પર શાહરુખની ગેરહાજરી હવે તેમના ફેન્સને પણ હેરાન કરી રહી છે. પોતાના રોમેન્ટિક અંદાજ માટે જાણીતા એક્ટર શાહરુખ ખાનના ફેન્સ હવે ખુલીને સોશિયલ મીડિયા પર સામે આવી રહ્યા છે.
ફિલ્મ ઇન્ડસ્ટ્રીના પોપ્યુલર એક્ટર શાહરુખ ખાન (Shahrukh Khan)ના ફેન્સ સોશિયલ મીડિયા પર બતાવી રહ્યા છે કે એ પોતાના ફેવરિટ એક્ટરને કેટલા મિસ કરી રહ્યા છે. હવે શાહરુખને લઇને #wemisssrkonbigscreen ટ્વિટર પર ટ્રેન્ડ કરી રહ્યું છે. ફેન્સ પોતાના પોસ્ટ દ્વારા શાહરુખ ખાનને એ અહેસાસ કરાવી રહ્યા છે કે એમણે શાહરુખને ખુબ જ મિસ કરી રહ્યા છે. એક ટ્વિટર યૂઝરે લખ્યું કે, 'પ્લીઝ પોતાની નેક્સ્ટ મૂવી એનાઉન્સ કરી દો, અમે ફરી એકવાર સાંભળવા માંગીએ છીએ, આ રહા હૂં મેં, બેક વિદ એ બેંગ.'
હાલમાં જ હોલીવુડની સુપરહિટ સીરીઝ ફિલ્મ 'ધ લાયન કિંગ (The Lion King)' રિલીઝ થઇ છે. આ ફિલ્મની હિંદી ડબિંગમાં શાહરુખ ખાન (Shahrukh Khan) અને તેમના પુત્ર આર્યન ખાને પોતાની અવાજ આપી છે. વોલ્ટ ડિઝનીની આ ફિલ્મ બોક્સ ઓફિસ પર ખૂબ કમાણી કરી રહી છે. જોકે હાલ શાહરુખ ખાને પોતાની અપકમિંગ ફિલ્મનું એલાન કર્યું નથી.