દક્ષિણ ભારતની બે સુપ્રસિદ્ધ અભિનેત્રી શ્રીદેવી અને જયાપ્રદાએ ૧૯૮૦ના દાયકામાં પગ મૂક્યા હતા. આ બંને અહીં આવીને સફળ થયાં તો ત્યાંના અન્ય સ્ટાર્સનું પણ બોલિવૂડમાં આગમન શરૂ થયું. કેટલાક લોકો સફળ રહ્યા તો કેટલાક બે ફિલ્મ બાદ ગાયબ થયા, પરંતુ કોઇ પણ એ પોઝિશન સુધી ન પહોંચી શક્યું, જ્યાં શ્રીદેવી હતી. ૨૦૧૮માં મલયાલમ ફિલ્મોના સ્ટાર દિલકર સલમાને ફિલ્મ 'કારવાં'થી બોલિવૂડમાં ડેબ્યૂ કર્યું હતું.
ત્યારબાદ તે 'ધ ઝોયા ફેક્ટર'માં જોવા મળ્યો. આ વર્ષે સાઉથના અન્ય કલાકારો પણ હિંદી સિનેમામાં કિસ્મત અજમાવવા તૈયાર છે.
આમલા પોલ
પોતાની ભાવભરી આંખ માટે જાણીતી આમલા પોલ દક્ષિણ ભારતમાં ખૂબ જ પ્રસિદ્ધ છે. તામિલ ફિલ્મો 'માયના' અને 'આસંગા-૨' માટે જાણીતી આમલા અર્જુન રામપાલની ઓપોઝિટ એક અનામ ફિલ્મથી ડેબ્યૂ કરશે. એ જોવાનું રોચક હશે કે તે બોલિવૂડમાં કેવી છાપ છોડે છે?
નિત્યા મેનન
નિત્યા પહેલાં જ દક્ષિણ ભારતીય ઇન્ડસ્ટ્રીમાં પોતાનાે અલગ મુકામ બનાવી ચૂકી છે. ઘૂંઘરાળા વાળ ધરાવતી આ સુંદરી આર. બાલ્કીની 'મિશન મંગલ'ના માધ્યમથી ડેબ્યૂ કરશે. દક્ષિણ ભારતમાં તાકાતવર પાત્ર ભજવવા માટે જાણીતી નિત્યા આ ફિલ્મમાં અક્ષયકુમાર, વિદ્યા બાલન, સોનાક્ષી સિંહા અને તાપસી પન્નુની કાસ્ટ સાથે કામ કરશે.
શાલિની પાંડે
શાલિનીની સુપરહિટ તેલુગુ ફિલ્મ 'અર્જુન રેડ્ડી'ને હિંદીમાં 'કબીરસિંહ'ના નામથી બનાવવામાં આવી રહી છે. શાલિનીવાળું પાત્ર તેમાં કિયારા અડવાણી ભજવશે. શાલિની ફિલ્મ 'બમફોડ'ના માધ્યમથી બોલિવૂડમાં ડેબ્યૂ કરશે. ફિલ્મનું નિર્દેશન અનુરાગ કશ્યપ કરશે અને પરેશ રાવલના પુત્ર આદિત્ય રાવલનું પણ આ ફિલ્મમાં ડેબ્યૂ હશે.
રેગીના કસાન્દ્રા
આ દક્ષિણ ભારતીય સુંદરી તામિલ ફિલ્મોમાં જાણીતું નામ છે. તેણે સોનમ કપૂર આહુજા સાથે એક લેસ્બિયન પાત્ર સાથે બોલિવૂડમાં એન્ટ્રી કરી હતી, જોકે તેનો રોલ નાનો હતો, પરંતુ હવે તે બોલિવૂડમાં અન્ય ફિલ્મ કરી શકે છે.
વેદિકા કુમાર
વેદિકાને તામિલ સિિરયલ ડ્રામા પરદેશીથી પ્રસિદ્ધિ મળી હતી. હવે તે ઇમરાન હાશ્મીની ઓપોઝિટ 'ધ બોડી'ના માધ્યમથી ડેબ્યૂ કરશે. આ ફિલ્મને 'દૃશ્યમ્' ફેમ જીતુ જોસેફ નિર્દેશિત કરશે.
પ્રભાસ
તેલુગુ સ્ટાર પ્રભાસ આજે એક નેશનલ ક્રેઝ બની ચૂક્યો છે. તેનું શ્રેય 'બાહુબલી' સિરીઝની ફિલ્મોને જાય છે. પ્રભાસ 'સાહો'ના માધ્યમથી બોલિવૂડમાં ડેબ્યૂ કરશે. 'સાહો' એક સાઇ-ફાઇ ફિલ્મ હશે. આ ફિલ્મમાં તેની સાથે શ્રદ્ધા કપૂર હશે.
જીવા
તામિલ સ્ટાર જીવા, જેનું નામ 'કો' અને 'એન્દ્રેદ્રમ પુન્નાગાઇ' જેવી સુપરહિટ ફિલ્મો સાથે જોડાયેલું છે. ફિલ્મ '૮૩'ના માધ્યમથી બોલિવૂડમાં તે ડેબ્યૂ કરશે. આ ફિલ્મ ૧૯૮૩ના ક્રિકેટ વર્લ્ડકપ પર આધારિત હશે. શ્રીકાંતનું પાત્ર ભજવવા માટે જીવાની પસંદગી કરાઇ છે.