video / સોનૂ સૂદે શેર કર્યો સિલાઈ કામ કરતો વીડિયો, સાથે આપ્યું એવું કેપ્શન કે તમે પણ હસીને થશો બેવડ

• સોનૂ સૂદે શેર કર્યો વીડિયો
• સોનૂ સૂદ કરી રહ્યો છે સિલાઈકામ
• ક્યૂટ કેપ્શને લોકોને હસાવ્યા

કોરોના કાળમાં બોલિવૂડ એક્ટર સોનૂ સૂદે હજારો ગરીબોની મદદ કરી. સોનૂ સૂદે ફક્ત આર્થિક નહીં પણ અલગ અગ રીતે જરૂરિયાતવાળા લોકોની મદદ કરી છે. ક્યારેક તેઓ નારિયેળ પાણી વેચવા વાળા બન્યા તો ક્યારેક ફૂડ સ્ટોરમાં કૂક બનેલા જોવા મળ્યા. આ વખતે એક વાર ફરી તે અલગ અંદાજમાં જોવા મળી રહ્યા છે. કુક અને નારિયેળ પાણી વેચ્યા બાદ હવે તેઓ દરજી બની ગયા છે. સૂદનો આ સિલાઈ કામ કરી રહેલા દરજીનો વીડિયો ઈન્ટરનેટ પર વાયરલ થઈ રહ્યો છે.  

પેન્ટના બદલે નીકર બને તો તેની ગેરેંટી નહીંઃ સોનૂ સૂદ

આ વીડિયોને સોનૂ સૂદે પોતાના ઓફિશ્યિલ ટ્વિટર એકાઉન્ટ પર શેર કર્યો છે જેમાં એક્ટર સિલાઈકામ કરી રહ્યો છે. વીડિયો શેર કરવાની સાથે તેણે એક મજેદાર કેપ્શન પણ લખ્યું છે જેમાં લખ્યું છે કે અહીં ફ્રીમાં સિલાઈ કરવામાં આવે છે પણ પેન્ટને બદલે નીકર બની જાય તો તેની ગેરંટી અમારી નથી. સોનૂ સૂદનો આ મજાકભર્યો સ્વભાવ તેમના ફેન્સને ખૂબ પસંદ આવી રહ્યો છે. 

Sonu Sood tailor shop.

यहां मुफ्त में सिलाई की जाती है।
पैंट की जगह निकर बन जाए, इसकी हमारी गारंटी नहीं 😂 pic.twitter.com/VCBocpUSum

— sonu sood (@SonuSood) January 16, 2021

20 સેકંડનો આ વીડિયો આવ્યો ચર્ચામાં

કુલ 20 સેકંડના આ વીડિયોમાં સોનૂ સૂદને ધ્યાનથી સિલાઈ કામ કરતા જોઈ શકાય છે. સોનૂએ ફક્ત સિવાઈ જ નહીં પણ સાથે લોકોને હસાવવાનું કામ પણ કર્યું છે. લોકડાઉન બાદથી સોનૂ ઘણા એક્ટિવ છે. લોકડાઉનની વચ્ચે પણ ગરીબોના મસીહાના નામથી ફેમસ થયા હતા. અનેક સારા કામથી સોનૂ સૂદે દરેકને હેરાનીમાં રાખ્યા છે.